ەلدى ەڭبەككە ۇندەيتىن سايت

0 98

سايت

قازاقستاننىڭ عالامتور كەڭىستىگىندە كۇن وتكەن سايىن اقپاراتتىق باعىتتاعى سايتتار كوپتەپ اشىلۋدا. جاقىندا ەلىمىزدەگى ينتەرنەت باسىلىمداردىڭ قاتارىنا تانىمدىق باعىتتا اقپارات تاراتاتىن www.myprofession.kz فوتورەپورتاجدى ۆەب-سايتى كەلىپ قوسىلدى. جاڭا پورتالدى جاساۋشىلار وقيعانى كوركەم سۋرەتپەن سويلەتىپ، ناقتى فاكتىلەرمەن ايشىقتاپ جەتكىزۋدى ماقسات تۇتقان.

قىزىقتى فوتورەپورتاجداردان قۇرالعان پورتالدى ينتەرنەت پايدالانۋشىلار ايرىقشا قىزىعۋشىلىقپەن قابىلداپ ۇلگەردى. پورتالدىڭ جەتەكشىلەرى اسقار بەكوۆ پەن نۇرلان جۇماحان ءتۇرلى جاستاعى جانە سان الۋان الەۋمەتتىك توپتاعى قاۋىمنىڭ اقپاراتتىق قاجەتتىلىگىن قاناعاتتاندىرۋ ءۇشىن شىعارماشىلىق توپ بارىن سالىپ جۇمىس ىستەيتىنىن ايتادى. پورتالدىڭ جۇمىسىنا كاسىبي جانە اۋەسقوي فوتوتۇسىرۋشىلەر دە وزدەرىن تولعاندىرعان تاقىرىپتار نەگىزىندە ماتەريالدارىن جولداي الادى.

سايت جاساۋشىلار قازاق جاستارىنىڭ ومىردە ماماندىقتاردى دۇرىس تاڭداۋىنا دا ءجار­دەم­دەسۋدى كوزدەپ وتىر. سونداي-اق، حالىقتىڭ جاڭا كاسىپتى مەڭگەرۋىنە جانە قوعامدىق ءومى­رى­مىزدە سۇرانىسقا يە ماماندىقتاردىڭ قىر-سى­رىن جاستارعا ءتۇسىندىرۋ www.myprofession.kz سايتىنىڭ باستى جۇمىستارىنىڭ ءبىرى بولادى. بۇدان باسقا جاڭا سايت اتا-كاسىبىمىز مال شارۋاشىلىعىن دامىتۋدىڭ قۇپيالارىن، ەگىن جانە كوكونىس، باۋ-باقشا ءوسىرۋدىڭ ماڭىزدى تاسىلدەرىن، قۇرىلىس جۇرگىزۋدەگى ەرەكشەلىكتەرىن جان-جاقتى ناسيحاتتايدى.

پىكىر جازۋ

پوچتاڭىز جاريالانبايدى

3 × 2 =