Елбасы қытай елінде

0 72

Кеше Елбасы Нұрсұлтан Н­азарбаев Қытай Халық Респуб­ли­касына ресми сапармен барды.

Мемлекет басшысы Нұрсұлтан На­зар­баевтың Қытай Халық Рес­пуб­ликасының төрағасы Си Цзиньпинмен кездесуі жоспарланған, оның барысында бірқатар екіжақты құжаттарға қол қою қарастырылған. Аталған құжаттар екі елдің арасын­дағы экономикалық және инвести­циялық қарым-қатынас­тарды нығай­ту, мұнай саласындағы ынтымақ­тастық мәселелерін қамтиды деп күтілуде. Сонымен қатар, Нұрсұлтан Назарбаев Боао азиялық форумы 12-сессиясының жұмысына қатысады және оған қатысатын халықаралық делегация басшыларымен келіссөздер жүргізеді.

Кеше Нұрсұлтан Назарбаев таны­мал Сhina Daily газетіне сұх­бат бер­ді. Сұхбат барысында Қазақстан көшбасшысы екі ел арасын­дағы сау­да-эконо­микалық, энергетика­лық және шикізаттық емес сектордағы байланыстарға өз бағасын беріп, Қытайдың 2017 жылы елордада өтетін ЭКСПО халықаралық көрме­сіне атсалысуын сөз етті. Сhina Daily – ҚХР-дағы өте танымал басылым, оның ағылшын тілінде шыға­тын газеттер арасында таралымы үлкен – 500 мың дананы құрайды. Қытайдың Бейжің және Шанхай ірі мегаполистерінен басқа Нью-Йоркте, Вашингтонда және Лондонда таралады.

Пікір жазу

Почтаңыз жарияланбайды

12 + sixteen =