Elbası qırğız eli basşısımen kezdesti

0 47

Qazaqstannıñ Tuñğış Prezïdenti Nursultan ­Nazarbaev Qırğız Respwblïkasınıñ Prezïdenti Sadır Japarovpen jolıqtı.

Kelissöz bastalar aldında Elbası men Qırğız Respwblïkasınıñ Prezïdenti Nazarbaev ortalığındağı ekspozïcïyalardı aralap kördi.
Kezdesw barısında Nursultan Nazarbaev Sadır Japarovtı Qırğızstan Prezïdenti bolıp saylanwımen quttıqtadı.
– Qazaqstanğa qoş keldiñiz. Qırğızstan halqı ötken saylawda Öziñizge ülken senim bildirdi. Halqıñızdıñ jarqın bolaşağı jolındağı jumısıñızğa tabıs tileymin, – dedi Qazaqstannıñ Tuñğış Prezïdenti.
Elbası täwelsizdik jıldarı bawırlas eki el arasında qol jetkizilgen ıntımaqtastıq pen seriktestiktiñ joğarı deñgeyin atap ötti.
Sonday-aq Nursultan ­Nazarbaev Qazaqstan men Qırğız­stan prezïdentteri arasındağı kelissözderdiñ nätïjeli bolğanına toqtalıp, bïznes baylanıstardı küşeytwdiñ jäne ekonomïkalıq qatınastardı nığaytwdıñ mañız­dılığın ayttı.
Öz kezeginde Sadır Japarov Qazaqstannıñ Tuñğış Prezïdentine eki el arasında baylanıs ornatw jäne nığaytw jolındağı jasampaz eñbegi üşin alğısın bildirdi.
– Sizdi Ortalıq Azïyanıñ köşbasşısı ğana emes, sonday-aq älemdik deñgeydegi bedeldi sayasatker retinde de qurmetteymin! Siz bizdiñ halıqtarımızdıñ dostığı men ıntımaqtastığın arttırwğa zor üles qostıñız, – dedi Qırğız Respwblïkasınıñ Prezïdenti.

Pikir jazw

Poçtañız jarïyalanbaydı

ten − 2 =