El jetistikteri partïyamen baylanıstı

0 42

Keşe elordada Elbası Nursultan Nazarbaev Nur Otan partïyasınıñ aymaqtıq fïlïaldarı ökilderimen keñes ötkizdi. Keñeske Parlament Mäjilisindegi Nur Otan partïyası frakcïyasınıñ depwtattarı, mäslïhat hatşıları men frakcïyalardıñ basşıları qatıstı.Bayandamalardı tıñdağannan keyin Elbası Nur Otan partïyasınıñ qalıptaswı men damwına elewli üles qosqan jandardıñ eñbegin ayrıqşa bağaladı. Sonımen qatar Nursultan Nazarbaev Qazaqstannıñ täwelsizdik jıldarındağı jetistikterine egjey-teg­jeyli toqtalıp, elimizdiñ barlıq jetistikteri Nur Otan partïyasınıñ atqarğan jumıstarımen tığız baylanıstı ekenin atap ötti.
Partïya törağası Qazaqstan ­Prezïdenti Qasım-Jomart ­Toqaevtıñ aynalasında qoğamdı şoğırlandırwdıñ jäne Memleket basşısı qoyğan mindetterdi iske asırw jöninde şaralar qabıldaw­dıñ mañızdılığın eske saldı.
– Soñğı jıldarı Qazaqstannıñ jalpı işki önimi 11 mïllïardtan 170,5 mïllïard AQŞ dollarına deyin östi. Eger 90-jıldardıñ basında halıqtıñ üşten biri kedeylik şeginde bolsa, qazir bul körsetkiş 4,6%-ğa deyin tömendedi. Şağın jäne orta bïznes­tiñ JİÖ-degi ülesi 27%-ğa jetti, alğaşında bizde jekemenşik bolmağan edi. Biz 300 mïllïard dollardan astam tikeley şeteldik ïnvestïcïya tarttıq. Osı jıldar aralığında Qazaqstannıñ tranzïttik älewetin edäwir nığayta aldıq, – dedi ­Nursultan Nazarbaev. Sonımen birge, Tuñğış Prezïdent Qazaqstannıñ 2050 jılğa deyingi damw strategïyasınıñ negizgi basımdıqtarın nasïhattaw men tüsindirw jumıstarın uyımdastırwdıñ mañızdı ekenin ayttı.
Nursultan Nazarbaev şağın jäne orta bïznestiñ el ekonomïkasındağı ülesin arttırw men «Eñbek» bağdarlamasın jüzege asırw josparı jayında toqtalıp bılay dedi: «Aldağı 2 jılda «Eñbek» bağdarlaması şamamen 1,5 mïllïon adamdı qamtïdı, 750 mıñnan astam jumıs ornın qurw jos­parlanğan. 2020-2025 jıldarı 1 mïllïonğa jwıq päter salınadı».
Jïın soñında Elbası elektoraldıq kezeñ aldında partïya jumısın küşeytw mañızdılığına qayta bir nazar awdardı. Sonımen qatar Tuñğış Prezïdent Nur Otan partïyasınıñ damwına aytarlıqtay üles qosqan müşelerge «Belsendi qızmeti üşin» medalin tabıs etti.

Pikir jazw

Poçtañız jarïyalanbaydı

18 − one =