Ел төрінде – тұңғыш инклюзивті театр

0 56

Елімізде тұңғыш рет инклюзивті театр ашылды. Елордадағы Жастар театры жанынан құрылған «Қанаттылар» театры шымылдығын Г.Салықбайдың «Қанаттылар» музыкалық-поэтикалық қойылымымен түрді. Театрдың ашылу салтанатына Нұр-Сұлтан қаласының әкімі Алтай Көлгінов пен Мәдениет және спорт министрі  Ақтоты Райымқұлова қатысты.

0ac096c23a081d50acd324257fa64d8d
0be5b27f59400c28388481ca9b7bbe9c
2d22e26f15e61ea3eb59924108e6a353
7bcb6985c7fdf9a425ffba7e36bb4afa
9a5d2701fff9ace2b16146c0c30064ae
9a02713ec24da30080464551da0e02aa
9b304cbb44f6863ac86dfc3d1ed9d44d
9e6666c1ab3efd03e67ddeda05b83295
68fb7c14378a19b8770ad83cf95811bd
96d9629457cce1b6710ea65ac5690962
97e8d6110fec311c439a6e8f3c5acc7d
62565f2828bc40c4cf9e54acabef5922
d5255b222931b0f7a893848c5e279b96
e9e116fed7e3b09591dc1b2402c89ba6
f1024909b7702e444529780a45dca700
fe13b904d07214fb4771e72ff17957f2
previous arrow
next arrow

– Нұр-Сұлтан қаласында  Жастар театрының жанынан құрылған «Қанаттылар» инклюзивті театрының ашылуымен баршаңызды құттықтаймын!
Еліміздегі тұңғыш инклюзивті театр – «Қанаттылар» музыкалық-поэтикалық қойылымымен шымылдығын түрді. Оның өзінде мән жатыр. Әкімдік тарапынан  ерекше қажеттілігі бар азаматтарды қолдауға барлық жағдай жасалады.
Инклюзивті театр физиологиялық ерекшеліктері бар адамдардың талантын ашуға, қоғамда өз орнын табуға көмектеседі деп сенемін, – деді елорда әкімі Алтай Көлгінов.

Инклюзивті театрдың мақсаты – физиологиялық ерекшеліктері бар адамдардың талантын ашу, оларды сахнада жұлдыздай жарқыратып, қоғам ұзақ уақыт бойы байқамаған мүмкіндіктерін жүзеге асыруларына түрткі болу.

Пешенеге жазылған тағдыр адамзат баласына әу бастан-ақ әрқилы сый тартары белгілі. Дегенмен қамшының сабындай өмірді мәнді өткізу әркімге ортақ мұрат болмақ. Өзгеден ерек жандардың осынау алмағайып әлемде мейірім мен ізгіліктен жаралған қос қанаты бар. Сәуле ғұмырда сол ұлы сезімдер барда мәңгілік махаббат салтанат құрары сөзсіз… Спектакльде пластика, қозғалыс, музыка, ырғақ пен жарық өте шынайы орындалғаны сонша, әртістер сахнада ойнағаннан гөрі шынайы өмір сүрген сияқты әсер қалдырады. Қойылым режиссері – қазақ мәдениетінің қайраткері Нурфат Вахитов.

Пікір жазу

Почтаңыз жарияланбайды

18 + twenty =