El men elbası şejiresi

0 29

Qazaqstannıñ Tuñğış Prezïdenti – Elbası Nursultan Nazarbaevtıñ jaña astanadağı alğaşqı rezïdencïyası 1997 jılı aşıldı. Däl osı jerden sol jıldıñ 10 jeltoqsanında erke Esil boyındağı elordanıñ paraqtarı bastaldı dep aytsaq artıq aytqanday bolmaspız. Prezïdent baqanday jeti jıl Beybitşilik köşesi, 11 mekenjayında ornalasqan ğïmaratta otırıp, el üşin nebir tarïhï şeşimderdi qabıldadı. Bul ğïmarat 2004 jıldıñ sarşa tamızında Tuñğış Prezïdent mwzeyi bolıp qurıldı. Al alğaşqı kelwşilerdi osıdan twra 15 jıl burın qabılday bastadı.

Jalpı awmağı 12000 şarşı metrdi qu­raytın tört qabattı ğïmarattıñ qabır­ğaları astananıñ qalıptasw kezeñderi twralı sır şertedi. Birneşe zal men ekspozïcïyadan turatın mwzeyde jaña Qazaqstannıñ, onıñ astanasınıñ tarïhı tunıp tur. Astana küni qarsañında biz sol zaldarğa sayahat jasap, qımbat jädigerlerdi qolmen ustamasaq ta, közimizben kördik.
Mwzey alğaşqı rezï­dencïyanıñ jïnaqtaw­şı holınan bastaladı. Mäjilis zalında ötetin mañızdı keñes­ter bas­talmas burın munda lawazımdı tulğalar jïnalatın bolğan. Qazirgi tañda osı zalda Qazaqstan Res­pwblïkasınıñ Tuñğış Prezïdenti – Elbası N.Ä.Nazarbaevtıñ jeke zattarı toptamasınıñ şağın böligi usınılğan.
Al Qazaqstan Respwb­lïkası Qawipsizdik Ke­ñe­­siniñ mäjilis zalınıñ holında «Memleket basşısına dïplomatïyalıq sıylıqtar» ekspozïcïya­sın köre alasızdar. Holda Elbasınıñ qabıldawın kütken azamattar, sonımen qatar, Qawipsizdik Keñesi zalında ötetin kezdeswler men otırıstarğa qatıswşılar jïnalğan.


Tuñğış Prezïdenttiñ jumıs kabïneti bastapqı qalpında saqtalğan. Jumıs kabïnetiniñ mindetti atrïbwttarı Memlekettik rämizder – Tw, Eltañba, Änuran, el Konstïtwcïyası bolıp tabıladı. Munda memlekettiñ eñ joğarı lawazımdı tulğasın bildiretin resmï erekşelik belgisi – Prezïdenttiñ ştandartı da tur.
Kümbezdi zaldıñ foye­sinde Elbasığa şet memleket basşılarınan, halıqaralıq uyımdar men qorlardan, şeteldik jäne otandıq qoğam qayratkerlerinen tartw etilgen sıylıqtar usınılğan.
Tuñğış Prezïdenttiñ qabıldaw bölmesi de sol qalpı saqtalğan. Qawipsizdik Keñesiniñ mäjilis zalında mañızdı otırıstar, memlekettik jäne halıqaralıq deñgeydegi mañız­dı kezdeswler ötkizildi. Qazirgi tañda bul zalda qarw-jaraqtar toptaması usınılğan.
«Altın» zalında «Ew­razïya jüreginde» eks­pozïcïya­sı tur. Munda Qazaqstan Respwblïkası men şeteldik delegacïyalar arasındağı joğarı deñgeydegi kelissözder, Elbasınıñ Qazaqstan azamattarımen, halıq­aralıq, ükimettik jäne ükimettik emes uyım­dardıñ, şeteldik isker toptardıñ ökilderimen basqoswları jäne kezdeswleri ötken.
Mwzey atrïwmındağı «Ömir ağaşı» – Qazaqstan halqınıñ küşi men qwatınıñ, materïaldıq jäne rwhanï baylığınıñ, jas egemen memlekettiñ güldenwiniñ sïmvolı.
Üşinşi qabattıñ holında «Qazaqstan Res­pwblï­kasınıñ Memlekettik rämizderi» eks-po­zïcïyası ornalasqan. Munda qoyıl­ğan jädi­gerler memlekettik rämiz­der tarïhımen jäne onıñ avtorlarımen tanıstıradı.

 

Pikir jazw

Poçtañız jarïyalanbaydı

3 × three =