ەل مەن ەلباسى شەجىرەسى

0 29

قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ جاڭا استاناداعى العاشقى رەزيدەنتسياسى 1997 جىلى اشىلدى. ءدال وسى جەردەن سول جىلدىڭ 10 جەلتوقسانىندا ەركە ەسىل بويىنداعى ەلوردانىڭ پاراقتارى باستالدى دەپ ايتساق ارتىق ايتقانداي بولماسپىز. پرەزيدەنت باقانداي جەتى جىل بەيبىتشىلىك كوشەسى، 11 مەكەنجايىندا ورنالاسقان عيماراتتا وتىرىپ، ەل ءۇشىن نەبىر تاريحي شەشىمدەردى قابىلدادى. بۇل عيمارات 2004 جىلدىڭ سارشا تامىزىندا تۇڭعىش پرەزيدەنت مۋزەيى بولىپ قۇرىلدى. ال العاشقى كەلۋشىلەردى وسىدان تۋرا 15 جىل بۇرىن قابىلداي باستادى.

جالپى اۋماعى 12000 شارشى مەتردى قۇ­رايتىن ءتورت قاباتتى عيماراتتىڭ قابىر­عالارى استانانىڭ قالىپتاسۋ كەزەڭدەرى تۋرالى سىر شەرتەدى. بىرنەشە زال مەن ەكسپوزيتسيادان تۇراتىن مۋزەيدە جاڭا قازاقستاننىڭ، ونىڭ استاناسىنىڭ تاريحى تۇنىپ تۇر. استانا كۇنى قارساڭىندا ءبىز سول زالدارعا ساياحات جاساپ، قىمبات جادىگەرلەردى قولمەن ۇستاماساق تا، كوزىمىزبەن كوردىك.
مۋزەي العاشقى رەزي­دەنتسيانىڭ جيناقتاۋ­شى حولىنان باستالادى. ءماجىلىس زالىندا وتەتىن ماڭىزدى كەڭەس­تەر باس­تالماس بۇرىن مۇندا لاۋازىمدى تۇلعالار جينالاتىن بولعان. قازىرگى تاڭدا وسى زالدا قازاقستان رەس­پۋبليكاسىنىڭ تۇڭعىش پرەزيدەنتى – ەلباسى ن.ءا.نازارباەۆتىڭ جەكە زاتتارى توپتاماسىنىڭ شاعىن بولىگى ۇسىنىلعان.
ال قازاقستان رەسپۋب­ليكاسى قاۋىپسىزدىك كە­ڭە­­سىنىڭ ءماجىلىس زالىنىڭ حولىندا «مەملەكەت باسشىسىنا ديپلوماتيالىق سىيلىقتار» ەكسپوزيتسيا­سىن كورە الاسىزدار. حولدا ەلباسىنىڭ قابىلداۋىن كۇتكەن ازاماتتار، سونىمەن قاتار، قاۋىپسىزدىك كەڭەسى زالىندا وتەتىن كەزدەسۋلەر مەن وتىرىستارعا قاتىسۋشىلار جينالعان.


تۇڭعىش پرەزيدەنتتىڭ جۇمىس كابينەتى باستاپقى قالپىندا ساقتالعان. جۇمىس كابينەتىنىڭ مىندەتتى اتريبۋتتارى مەملەكەتتىك رامىزدەر – تۋ، ەلتاڭبا، ءانۇران، ەل كونستيتۋتسياسى بولىپ تابىلادى. مۇندا مەملەكەتتىڭ ەڭ جوعارى لاۋازىمدى تۇلعاسىن بىلدىرەتىن رەسمي ەرەكشەلىك بەلگىسى – پرەزيدەنتتىڭ شتاندارتى دا تۇر.
كۇمبەزدى زالدىڭ فويە­سىندە ەلباسىعا شەت مەملەكەت باسشىلارىنان، حالىقارالىق ۇيىمدار مەن قورلاردان، شەتەلدىك جانە وتاندىق قوعام قايراتكەرلەرىنەن تارتۋ ەتىلگەن سىيلىقتار ۇسىنىلعان.
تۇڭعىش پرەزيدەنتتىڭ قابىلداۋ بولمەسى دە سول قالپى ساقتالعان. قاۋىپسىزدىك كەڭەسىنىڭ ءماجىلىس زالىندا ماڭىزدى وتىرىستار، مەملەكەتتىك جانە حالىقارالىق دەڭگەيدەگى ماڭىز­دى كەزدەسۋلەر وتكىزىلدى. قازىرگى تاڭدا بۇل زالدا قارۋ-جاراقتار توپتاماسى ۇسىنىلعان.
«التىن» زالىندا «ەۋ­رازيا جۇرەگىندە» ەكس­پوزيتسيا­سى تۇر. مۇندا قازاقستان رەسپۋبليكاسى مەن شەتەلدىك دەلەگاتسيالار اراسىنداعى جوعارى دەڭگەيدەگى كەلىسسوزدەر، ەلباسىنىڭ قازاقستان ازاماتتارىمەن، حالىق­ارالىق، ۇكىمەتتىك جانە ۇكىمەتتىك ەمەس ۇيىم­داردىڭ، شەتەلدىك ىسكەر توپتاردىڭ وكىلدەرىمەن باسقوسۋلارى جانە كەزدەسۋلەرى وتكەن.
مۋزەي اتريۋمىنداعى «ءومىر اعاشى» – قازاقستان حالقىنىڭ كۇشى مەن قۋاتىنىڭ، ماتەريالدىق جانە رۋحاني بايلىعىنىڭ، جاس ەگەمەن مەملەكەتتىڭ گۇلدەنۋىنىڭ سيمۆولى.
ءۇشىنشى قاباتتىڭ حولىندا «قازاقستان رەس­پۋبلي­كاسىنىڭ مەملەكەتتىك رامىزدەرى» ەكس-پو­زيتسياسى ورنالاسقان. مۇندا قويىل­عان ءجادى­گەرلەر مەملەكەتتىك ءرامىز­دەر تاريحىمەن جانە ونىڭ اۆتورلارىمەن تانىستىرادى.

 

پىكىر جازۋ

پوچتاڭىز جاريالانبايدى

19 − one =