Экономикалық дамудың локомотиві

0 96

Елбасы Жолдауында Еуропа мен Азияға, Америкаға, теңізге тікелей шығатын көліктік-логистикалық кәсіпорындар құру қажеттігін, осы мақсатта «Жаһандық инфрақұрылымдық интеграция» бағдарламасын әзірлеуді тапсырды. 

Асхат АКЧУРИН, «Қазақстан темір жолы» ұлттық компаниясы» АҚ вице-президенті

Мемлекет басшысы айт­қан­дай, біз транзиттік әлеуе­ті­міз­ді дамытуға тиіспіз. Осы мәсе­ле­лерге қатысты «Қазақстан темір жолы» ҰҚ» АҚ да бірқатар шаруа­лар­ды қолға алды.

Темір жол көлігі Қазақстан Рес­пуб­­ли­ка­сы экономикасында жүйе құру­шы­лық рөл атқарады. Осы сала­дағы жоспарлы жұмыстар сыртқы эко­но­микалық қатынастар­ды­ жүзеге асыра отырып, елдің эконо­ми­ка­лық тәуелсіздігі мен аймақ­тар дамуының кепілі болып табы­ла­ды.
«ҚТЖ» ҰК» АҚ жүк және жолау­шылар тасымалы, логистика, теле­ком­му­ни­ка­ция, инфрақұрылым, инвес­ти­ция­лық жобаларды жүзеге асырып отыр. Еуразиялық құрлық­та­ ор­на­лас­қан Қазақстан өзінің тран­зит­тік әлеуетін барынша белсенді пай­да­лану­ға ұмтылуда. Соның бір дәлелі, 2011 жылы Жетіген-Алтын­көл (293 шақырым) және Өзен-Түр­кі­мен­с­танмен мемлекеттік шекара (146 шм) темір жолдарын салды. Ал­ был­тыр­ Жез­қаз­ған-Сексеуіл (988шм) және Арқалық-Шұбаркөл (214шм) магис­траль­дық темір жол желі­ле­рі­­нің құры­лы­сын бастады. Бұл жолдар халық­ара­лық темір жол дәліз­де­рі­нің қашықтығын едәуір қыс­қар­та­тын болады.

Бұған қоса, бүгінде 14 заманауи жоба­ жү­зе­ге асы­ры­лу­да. Алдағы ЭКСПО-2017 көрме аясында Қазақ­стан­да Астана-Алматы ара­сын­да жоғары жылдамдықты темір жол­ магис­тра­лі іске қосылады.

Қазақ­стан­да темір жол көлігімен жүк және жолаушылар тасымалдау көлемі жалпы тасымалдаудың 60 пайызын құрайды: еліміздің темір жол көлігі жүк айналымы жөнінен әлем­де же­тін­ші орында болса, үлкен­ді­гі жөнінен ондыққа кіреді.

Темір жолдың жалпы ұзындығы 14600 шақырым. Ол республиканың 14 облысын қамтиды. 15 түйісу нүк­те­сі ар­қы­лы көршілес бес мем­ле­­кет­­пен шек­те­седі: Қытай, Ресей, Өзбекстан, Қырғызстан, Түр­кі­мен­стан.

Индустриялық-инновациялық дамыту бағдарламасын жүзеге асы­ру­ға үлес қосқан «ҚТЖ» ҰК»­ АҚ­­ 2011-2012 жылдары екі мәр­те Қазақстан Рес­­пуб­­ли­­ка­­сы­ Президентінің «Ин­дус­­трия­лан­ды­ру­­ көш­­бас­шы­сы»­­ аталымы бойынша­ ар­найы сый­­лы­­ғын жеңіп алды. Қа­зір­гі таңда Қазақ­­стан­­ның ұлттық көлік­тік­ логис­­­ти­­­ка­лық операторы қызметін ат­қа­ра­ды.

«ҚТЖ» ҰК» АҚ кадр, әлеуметтік, жастар саясаты мәселесін де назар­дан­ тыс­ қал­дыр­ған емес. Жолдау­да­ айтылғандай, «біздің басты мақ­са­ты­мыз –әлеуметтік қауіпсіз­дік­ және аза­мат­та­рымыздың бақуат­ты­лы­ғы». Ең­бек­кер­ле­рі­міздің әлеу­мет­тік­ қор­ға­луы­на Ұжымдық салалық келісім-шарт кепілдік береді. Бұл – ком­па­ния­ның барынша кең көлемде қам­тыл­ған әлеуметтік пакеті, жеңіл­дік­тер­ мен түрлі жағдайларға қатысты кепіл­дік­те­рі жинақталған құқықтық маңызды құжаты.

Қазіргі таңда Қазақстанның темір жол саласында 160 мыңнан астам адам еңбек етеді. Олардың 91 пайызы – өндірістік, 9 пайызы әкім­ші­лік қызметпен қамтылған. Еңбек­кер­лердің 25 пайызын отызға дейінгі жастар құрайды.

Біздің бір ғана акционеріміз «Самұ­­рық­-Қазына» қорының тап­сыр­­ма­сына орай, ҚТЖ 2020 жыл­дар­ға дейінгі сапалық деңгейін көте­ру бағ­дар­ла­масына 17 мың еңбек­кер­ді қысқартуды көздеп отыр. Бұған қарамастан жұмыссыздық пен әлеуметтік наразылықты болдырмау міндеті тұр.

Бұл жерде ерекше атап өтерлік жайт, ҚТЖ кәсіпорындарындағы еңбеккерлер санын қысқарту өндіріс орындарындағы жаңа міндеттердің ашылуымен сәйкес келеді. Яғни, ескі кәсіпорыннан қызметтен босаған еңбеккер ҚТЖ есебінен қайта маманданып, қажетті салаға жіберіледі. Мәселен, «Алматы вагон жөндеу зауыты» АҚ-ынан қысқартуға ұшы­ра­ған еңбеккерлердің 97 пайызы, Қостанай магистральдық желісі бөлім­ше­сі­нен қысқарғандардың 95 пайызы, «Қамқор» Жөндеу корпорациясы» ЖШС-нен жұмыстан боса­ған­дардың 79 пайызы басқа жұмыс­тарға орналастырылды.

ҚТЖ сапына білікті мамандарды тарту – уақыт талабы. 2012 жылы Астана қаласындағы Көліктегі технология орталығында студенттерді дуальдық оқыту жүйесі іске қосыл­ды. Биылғы жылы 17 арнайы маман­дан­ды­рылған колледждің студент­тері темір жолдың әр саласын­да шебер­лі­гін шыңдайды.

Жалпы, «ҚТЖ» ҰК» АҚ компаниялар тобы былтыр персоналды­ дамытуға 10 млрд. 800 млн. теңге жұмсады. Бұл көрсеткіш 2011 жылмен салыстырғанда 2,5 млрд. теңгеге артық. Темір жол саласындағы еңбек­кер­лер­дің өз жұмысына қана­ғат­та­ну деңгейі 2012 жылы 2011 жылмен салыстырғанда 13 пайызға өсті. КПМГ бағалауы бойынша «ҚТЖ» ҰК» АҚ корпоративтік басқару рейтингілік деңгейі жоспардағы 64 пайыздың орнына 66,2 пайыздық дәрежеге көтерілді. Еңбек өнімділігі 2012 жылы бір адамға шаққанда 5,3 млн. теңгені құрап, 2011 жылмен салыстырғанда 15 пайызға артты.

Пікір жазу

Почтаңыз жарияланбайды

3 × two =