Джимми Джен ба? Чанг Гвон Оук па?

Елордамыздағы «Алау» мұз айдынында өткен республикалық чемпионат аяқталысымен жеңімпаздар есімін әйгілеп, «Алаудағы» аламан» деген тақырыппен газетіміздің 15 қаңтар күнгі санында шағын мақала жариялаған болатынбыз. Осы мақалада ұлттық құрама бапкерінің есімін Джимми Джен деп берген едік. Тұрақты оқырманымыз Ақжол Қуаныш БАҚ-тардың бірінен шорт-тректен құрама бапкері Чанг Гвон Оук екендігін көзі шалып қалғандығын айтып, редакциямызға қоңырау шалған болатын. 

– Құрметті Ақжол, сіздің сұра­ғы­­­ңыз­ орын­ды.­ Біз­дің­ Джим­ми­ Дже­­­ні­міз­ де,­ сіз­ ай­тып­ отыр­ған­ Чанг­­ Гвон­ Оук та құрама бапкері. Қа­­лай дейсіз ғой? Солай! Себебі, еке­уі бір адам. Чанг Гвон Оук бап­­кер ретінде Джимми Джен есі­мі­­мен танымал болғандықтан біз соң­ғы атын таңдағанбыз. Ол бұған дейін Оңтүстік Корея, Австралия, АҚШ құрамаларын жаттықтырған. Ал 2010 жылдан 2011 жылдың қазан айына дейін Ресей ұлттық құрамасын баптаған.

Ол жайлы ұлттық құрамамыздың бас бапкері Мә­­ді­­ға­ли­ Қар­сы­бе­ков:­ «Ол­ – әлемдегі ең үздік жаттық­ты­рушылардың бірі. Тек спорт­шы­ларымыз жаңа маманның ме­то­ди­касына бейімделе білулері ке­рек.­ Ол бізді жаңа белестерге шы­ғарады. Ал егер бәрі сәтті болып, Джен­нің жаттықтыру әдістемелері нәтижесін берсе, күзде Оңтүстік Кореямен бірге оқу-жаттығу жиы­нын өткізе аламыз. Ал бұл – көп­те­ген елдердің арманы, – деген бо­латын.

Ербол ЖАНАТ