دۇربەلەڭنەن كەيىنگى دەپوزيتتىڭ جايى قالاي؟

0 122

43534534534 (5)

ۇلتتىق بانك ەلدەگى بانكتەردىڭ دەپوزيت بازاسىنىڭ جاعدايى تۋرالى مالىمەتتەردى جاريا­لادى. رەسمي مالىمەتتەرگە سۇيەنسەك، بيىلعى اقپان ايىندا sms-شابۋىلعا ۇشىراعان ءۇش بانكتەن تۇتىنۋشىلار كەرى العان سالىم كولەمى 169 ملرد تەڭگەنى قۇراعان. ونىڭ ىشىندە ««بانكتسەنتركرەديت» – 14,7%، «Kaspibank» – 16,8%، «اليانس بانك» 30,9% دەپوزيت قورجىنىن قايتارعان. وسى رەتتە بانك وكىلدەرىنە حابارلاسىپ، اتالمىش ماسەلەگە قاتىستى پىكىرىن بىلگەن ەدىك.

ۆلاديسلاۆ لي،

«بانكتسەنتركرەديت»  اق باسقارما توراعاسى:

– ناۋرىز ايىنىڭ قورىتىندىسىنا كوز جىبەرسەك، ءبىزدىڭ بانككە تۇسكەن سالىمدار بويىنشا كورسەتكىش  جاعدايدىڭ تۇراقتى ەكەنىن بىلدىرەدى. جەكە تۇلعالار دەپوزيتتەن العان قاراجاتتىڭ شامامەن ۇشتەن ءبىر بولىگىن قايتاردى. زاڭدى تۇلعالار دەپوزيتىندەگى  قارجى كولەمى ايتارلىقتاي ءوستى.

قازىرگى تاڭدا ناقتى بولجام ايتۋعا دايىن ەمەسپىز. سەبەبى، مۇنداي جاعدايدا دەپوزيتتىك بازانىڭ ۇلعايۋى كليەنتتەردىڭ سابىر ساقتاپ، اقپان ايىنداعىداي انىقتالماعان، ءتىپتى بەلگىسىز كوزدەردەن تاراعان قاۋەسەتكە ەمەس، بانككە، ءبىزدىڭ رەسمي اقپاراتىمىز بەن قارجىلىق كورسەتكىشتەرىمىزگە قايتا سەنىم ارتا باستاۋىنا قاراي جۇزەگە اسادى.  ءاربىر كليەنتكە ۋاقىت پەن شىنايى اقپارات قاجەت.

ءبىزدىڭ ستراتەگيالىق ينۆەستورىمىز «كۋكمين بانك» قاجەت بولعان جاعدايدا، كەز كەلگەن ۋاقىتتا كومەك كورسەتۋگە ءازىر. ايتسە دە، جاعدايدى ءوز كۇشىمىزبەن رەتتەپ، قيىندىقتان  شىقتىق.

 

ميحايل لومتادزە،

«كaspibank» اق باسقارما توراعاسى:  

قازاقستاننىڭ بانك سەكتورى بيىلعى اقپان ايىندا بۇعان دەيىن بولماعان اقپاراتتىق شابۋىل سالدارىنان توزىمدىلىك تەستىن تاپسىردى.

ءبىز كۇن سايىن دەپوزيت ءوسىمىن بايقاپ وتىرمىز. جاڭا كليەنتتەرمەن قاتار دۇربەلەڭگە ىلەسكەن كليەنتتەرىمىز دە قايتا كەلىپ جاتىر. ناۋرىز ايىندا سالىمداردىڭ كەتۋى 22%-عا, 16.8%-دان 12.9%-عا تومەندەدى. ال، ءساۋىر ايىنىڭ ءبىرىنشى اپتاسىندا كەرى قايتۋى 35%-دى  قۇرادى.

حالىقارالىق تاجىريبەگە سۇيەنسەك، مۇنداي جاعدايدا دەپوزيتتىڭ تومەندەۋى 20-30%-دى قۇرايدى. ءبىزدىڭ جاعدايدا بۇل كورسەتكىش  ەكى ەسەگە تومەن. ءبىزدى، اسىرەسە, ناۋرىز، ءساۋىر ايلارىنداعى دەپوزيت كورسەتكىشى قۋانتتى.

جاڭا كليەنتتەرمەن قاتار دۇربەلەڭگە ىلەسكەن كليەنتتەرىمىز دە قايتا كەلىپ جاتىر. ءساۋىر ايىنىڭ ءبىرىنشى اپتاسىندا قايتا سالىنعان دەپوزيت كولەمى 35% قۇرادى. وسى قارقىننان تايماسا  الىنعان  سالىمداردىڭ نەگىزگى بولىگى الداعى 3-4 ايدا قايتا ورالماق.

 

پىكىر جازۋ

پوچتاڭىز جاريالانبايدى

two × 3 =