Dübirli dodanıñ düldülderi

0 108

2012 jıldıñ eñ aytwlı oqïğası – Londonda ötken olïmpïada oyındarı desek, qate bolmas. Bul tek biz üşin ğana emes, barşa älem üşin aytwlı şara boldı. Bul dodada Qazaq eli ayday älemge el aybarın tanıttı. Sportşılarımızdıñ jeñisi, elge qwanış sıylap, halıqtı rwhtandırdı.

Barşamızğa belgilisi – kez kel­gen eldiñ twı bögde elde eki jağdayda ğana köteriledi. Birinşisi, el basqarğan tulğanıñ belgili bir elge resmï nemese dostıq saparı kezinde. Ekinşisi, biz aytıp otırğan sporttıq jarıstardağı jeñis kezinde. Bizdiñ bayraq Temza öziniñ jağasında 13 märte köterildi! 13 ret! Änuranımız 7 ret şırqalıp, «Bizdiñ el osınday» dep körsetti.

Bul – sportşılarımızdıñ jıldar boyğı tökken terimen kel­gen eñbeginiñ jemisi. Sayıp­qırandarımız atın şığarğan eldiñ jeñisi.
Komandalıq esepte Qazaqstan 12-orın alıp, Wkraïna, Gollandïya, Kwba, Çehïya, Ïspanïya, Brazïlïya sïyaqtı elderdiñ aldına tüsti. Reseyden soñ TMD elderi arasınan ekinşi orındı alıp, Azïya qurlığı boyınşa Qıtay, Oñtüstik Koreya, Japonïyadan keyingi törtinşi satıdan körindi. Jalpı, bul jeñis bizge qalay keldi? Kimder äkeldi? Osı suraqtardıñ jawabın şolıp köreyik…

Qorjınımızğa jeti altın, bir kümis, bes qola tüsip qazaqtı rwhtandırdı.

Alğaşqı altındı veloşabandoz Aleksandr Vïnokwrov äkeldi. Ol olïmpïadanıñ ekinşi jüldesin ïelendi. Sonday-aq, bul doda awır atletter üşin tabıstı boldı. Qazaqstan awır atletïka quramasınıñ bas bapkeri Aleksey Nïdiñ jetekşiligimen barğan atletter jaradı.
Ziltemirşiler tört birdey altın äkelip, abıroydı asqaqtattı. Äygili atlet – Ïl'ya Ïl'ïn Qazaqstannan şıqqan tuñğış eki dürkin olïmpïada çempïonı atandı. Buğan deyin älem çempïonattarında altın men kümiske qanağat tutıp kelgen atlet qızdarımız da Qazaqstan atın şığardı.

Zülfïya Çïnşanlo, Mayya Maneza jäne Svetlana Podobedova altın aldı. Tipti, Zülfïya 2011 jılı özi ornatqan älem rekordın qayta jañarttı.

Ziltemirşilerdiñ jeñisinen keyin mamandar elimizde awır atletïka qarqındı damıp kele jatqanın maqtanışpen ayttı. Sebebi, büginde qazaqstandıq atletter Qıtaymen teñ därejedegi jülde alıp, Resey, Ïran, Wkraïna sındı elderdiñ awır atletterin artqa tastadı.
Qorjınğa tağı bir altın äkelgen sportşımız – Ol'ga Rıpakova. Jeñil atletïk 14,99 metrge sekirip, moynına olïmpïada medalin taqtı.
​​Bar qazaq kütken eñ şeşwşi oyın jarıstıñ eñ soñğı küni boldı. Elimiz ükilegen üzdik boksşımız Serik Säpïev brïtanïyalıq boksşı Freddï Evanspen qolğap tüyistirip, jeñis tuğırınan körindi. Olïmpïadanıñ üzdik boksşısı bolıp tanılıp, Barker kwbogın ïelendi. Säpïevtan bölek, 81 keli salmaqta Ädilbek Nïyazımbetov – kümis, al 91 keli Ïvan Dıçko qola medal' aldı. Ayta keterligi, qızdar arasındağı bokstan jerlesimiz Marïna Vol'nova da oljamen oraldı. Qola medal'diñ ïesi Marïna qalalıq İşki ister departamentine qarastı qurılımda jumıs isteydi. Ülken sınaqtan sürinbey ötken boksşılarımız endi 2013 jılı Almatıda ötetin älim çempïonatına dayındalwğa kiristi.

Tumandı Al'bïonğa attandırğan sportşılarımızdıñ işinde eñ köp senim balwandarğa artılıp edi. Balwandardıñ işinde Aqjürek Tañatarov – erkin küresten, Danïal Gadjïev jäne Güzel Manyurova qola alıp qayttı.

Londonda jalawımızdı jel­biret­ken sportşılarımız halıq­tıñ süyikti ul-qızdarına aynaldı. Büginde älewmet olardı alqalap, esimderin maqtanışpen aytadı. Olardı maqtamaydı, olarmen maqtanatın boldı. Halıq jarıstan keyin elge oralğan olïm­pïadaşılardıñ tabanın jerge tïgizbey, qurmet pen qoşemet körsetip jatır. Aqındarımız jır arnap, olardıñ erligin asqaqtatıp jatır. Olay bolwı da – zañdı.

Aynur SANABEK

Pikir jazw

Poçtañız jarïyalanbaydı

six − one =