Dostıqtıñ än-bï dodası

0 117

Ulttar dostastığı büginde Qazaqstan halqınıñ eñ bastı qundılığına aynalıp otır. Beybitşilik pen tatwlıqtıñ kepili bolğan elimizde türli dïasporalar men ult ökilderi erkin ömir sürip, ulttıq salt-dästürin ulıqtawğa zor mümkindik alwda.
Sonıñ däleli «Birlik pen bey­bitşilik besigi» attı dostıq festïvali Qazaqstandağı türli ult ökilderiniñ birligi men ıntımaqtastığın körsetti. Astana qalası Qazaqstan halqı assambleyasınıñ hatşılığı, Astana qalası mädenïet basqarması jäne «Jastar» sarayınıñ uyımdas­tırwımen ötken festïval' halıqtar dostığın, el birligin, otanşıldıqtı däriptep, öskeleñ urpaq boyına pat­rïottıq  sezim uyalatw maqsatında ötti. Şarağa 20 etnomädenï ortalıq­tardıñ şığarmaşılıq ujımı qa­tıstı. Olardıñ arasında armyandar, äzirbayjandar, nemister, özbekter,  şeşender, türikter, tatar­lar, korey­ler, düngender jäne bas­qaları  bar. Birlik pen tatwlıqtı tw etken türli ult ökilderinen turatın «Dostıq kerweni»  şığarmaşılıq tobı öz­deriniñ ulttıq bïlerimen, änderimen tänti etip, körermenniñ ıstıq ıqı­lasına bölendi. Sonday-aq, olar memlekettik tilde önerlerin ortağa  salıp, til men mädenïetti, ädet-ğurıptı däriptedi. «Eñ bas­tısı, munday merekeler arqılı özge ult ökilderiniñ, äsirese, jastar ara­sındağı dostıq qarım-qatınastıñ ornawına äser etw, azamattardıñ eli­ne, jerine, halqına degen qurmetin sezindirw», – deydi Astana qalası Qazaqstan halqı assambleyası hat­şı­lığınıñ bas mamanı Läzzät Qu­sayınova. Al, festïval'ğa qatısw­şı­lardıñ aytwınşa, munday şara­lar tek basqalardıñ ulttıq öner­lerin tamaşalap qana qoymay, kele jatqan Qazaqstan halqınıñ birligi küni merekesin birigip atap ötwge jaq­sı mümkindik beredi. Önerimiz ar­qılı biz sol tarïhï künge degen qur­metimizdi bildirip otırmız. Öytkeni, bul mereke  –  Qazaqstanda turatın barşa ult pen ulısqa ortaq mereke. Şara soñında barlıq etnomädenï ortalıqtarğa uyımdastırwşılar tarapınan alğıs hattar tabıstaldı.

 Erkejan KÖPTILEWQIZI

Pikir jazw

Poçtañız jarïyalanbaydı

seventeen + 7 =