«Астана ақшамы»
Ел жүрегі – елорда шежіресі

Достықты дәріптеді

0 24

«Шабыт» Қазақ ұлттық өнер университетінде Қазақстан халқы Ассамблеясының ұйымдастыруымен ел Тәуелсіздігінің 30 жылдығына арналған «Қазақстан – достық әлемі» атты Қазақстан халқы достығының XXII фестивалі өтті.

IA5A7257
IA5A7264
IA5A7266
IA5A7273
IA5A7280
IA5A7283
IA5A7287
IA5A7292
IA5A7307
IA5A7313
IA5A7324
previous arrow
next arrow

Дәстүрлі достық фестивалінің мақсаты – ұрпақты этностардың мәдениетін, салт-дәстүрлерін құрметтеуге тәрбиелеу, этномәдени бірлестіктердің шығармашылық бастамаларын ынталандыру. Сондықтан оған елордалық Ассамблеяға қарасты этномәдени орталықтардың 17 шығармашылық ұжымы бірауыздан белсене атсалысты.

Сондай-ақ шараға Президент Әкімшілігі, ҚР Парламенті, Ақпарат және қоғамдық даму министрлігі мен елшіліктердің өкілдері қатысып, жиналған көпшілікті Тәуелсіздіктің 30 жылдығымен құттықтап, фестиваль ұйымдас­тырушыларына алғыс білдірді.

«Мәдениет, өнер – халықтарды ең басты біріктіруші дүние. Ол ұлтқа, халыққа, этностарға бөлінбейді. Сондықтан біз осындай әр алуан мәдени ерекшеліктеріміз арқылы бірлігімізді көрсеткіміз келеді. Ең басты құндылығымыз – сол бірлік пен татулық. Баршаңызды бүгінгі дәстүрлі достық фестивалінің басталуымен құттықтаймын» деді фестивальдің ашылу рәсімінде сөз сөйлеген қалалық Ішкі саясат басқармасының бастығы Дәурен Бабамұратов.

Қазақстан халқының достығын паш еткен шара аясында ән, қойылым, би арқылы негізінен, Тәуелсіздігімізді ұлықтайтын, мақтан ететін туындылар сахналанды.

 

Пікір жазу

Почтаңыз жарияланбайды