ديپلومدى ونلاين قورعايدى

0 15

بيىل قورىتىندى اتتەستاتتاۋ جانە ءبىلىم الۋشىلاردىڭ ديپلومدىق جۇمىسىن (جوباسىن) قورعاۋ Microsoft teems, ايس «Platonus» پلاتفورمالارىندا، ZOOM, Google class room ارقىلى بەينەبايلانىسپەن ونلاين وتكىزۋ جوسپارلانۋدا. بارلىق ەمتيحان بەينەجازباعا جازىلادى.نۇر-سۇلتان قالاسى ءبىلىم باسقارماسىنىڭ ءباسپاسوز حاتشىسى التىناي زارلىققىزىنىڭ ايتۋىنشا، قاشىقتان وقىتۋ ناتيجەلى بولۋى ءۇشىن وقۋشىلار مەن پەداگوگتاردىڭ كومپيۋتەر جانە ينتەرنەت جەلىسىمەن قامتىلۋىنا مونيتورينگ جۇرگىزىلگەن.
– مونيتورينگ قورىتىندىسى بويىنشا ءبىلىم باسقارماسى مەن مەكتەپتەر بالانسىنداعى 7118 كومپيۋتەر كوپبالالى جانە از قامتىلعان وتباسىلاردان شىققان 6500 وقۋشىعا جانە 618 پەداگوگكە ۋاقىتشا پايدالانۋعا بەرىلدى. قوسىمشا 2613 نوۋتبۋك جانە ينتەرنەتپەن قامتۋ ءۇشىن 5200 فلەش-كارتا ساتىپ الىندى، – دەيدى ا.زارلىققىزى.
وسى وقۋ جىلىندا كوللەدجدەردەگى تۇلەكتەر سانى – 6605 ستۋدەنت، ونىڭ 3787-ءسى مەملەكەتتىك تاپسىرىسپەن بىتىرەدى. ءبىلىم الۋشىلار مەن وقىتۋشىلار قاجەتتى تەحنيكامەن: كومپيۋتەر، فلەش-كارتا جانە wi-fi روۋتەرمەن قامتاماسىز ەتىلگەن.
ايتا كەتۋ كەرەك، ستۋدەنتتەرگە 1 280 910 تەڭگە كولەمىندە الەۋمەتتىك كومەك كورسەتىلدى. اقىلى توپتا وقيتىن 1000-نان استام ستۋدەنتكە وقۋ اقىسى بيىلعى تامىز ايىنا دەيىن شەگەرىلدى.

پىكىر جازۋ

پوچتاڭىز جاريالانبايدى

15 + 3 =