ديماش قۇدايبەرگەن: «دايديداۋ» داۋىسىمنىڭ بار مۇمكىندىگىن كورسەتەدى

0 257

گازەتىمىزدىڭ «وقىرماننان ون سۇراق» اتتى تۇراقتى ايدارىنىڭ بۇل جولعى قوناعى – دارىندى ءانشى، شەتەلدەردە قازاق ءانىنىڭ قۇدىرەتىن تانىتىپ جۇرگەن داۋىسى ەرەكشە ونەرپاز ديماش قۇدايبەرگەن. جاستىعىنا قاراماستان بىرنەشە رەسپۋبليكالىق جانە حالىقارالىق فەستيۆالدەردە توپ جارعان ءانشى قازىر استاناداعى قازاق ۇلتتىق ونەر ۋنيۆەرسيتەتىندە وقىپ ءجۇر. كۇنى كەشە عانا فرانتسيا­دان ورالعان انشىگە جولىعىپ، وقىرماندارىمىز جولداعان سۇراقتاردى قويعان ەدىك. 

Dimash_Kudaybergen

ريزا ءالمۇحانوۆا:
– ديماش، ءالى جاسسىڭ، باعىڭدى اشقان «سلاۆيان بازارى» بايقاۋى بولدى. جۇلدىزىڭ جانا بەرسىن، تىلەكشىمىز. قويار ساۋالىم: ەر ازامات رەتىندە، ءانشى رەتىندە نەدەن ساقتاناسىڭ؟

– پەيىلىڭىزگە راقمەت! حالىق الدىندا ءجيى كورىنەتىندىكتەن ءوزىمدى ارقاشاندا دۇرىس ۇستاۋعا تىرىسامىن. ءانشى بولعان سوڭ تىڭدارمانعا نەعۇرلىم ساپالى دۇنيە جەتسە ەكەن دەپ ويلاپ، ساپاسىز مۋزىكانى شىعارماشىلىعىما ەنگىزۋدەن ساقتانامىن. ادام بولىپ جارالعان سوڭ، ادامي قاسيەتتەردى جوعارى دەڭگەيدە ۇستاۋدى پارىزىم دەپ سانايمىن.

باقىتنۇر وجاەۆا:
– كەيبىر تىڭ­دار­ماندار ءسىزدى ۆيتاسقا ۇق­ساتىپ جاتادى. ەلىكتەيتىن نەمەسە ءپىر تۇتاتىن ءانشى­لەرىڭىز بار ما؟

– ۆيتاسپەن اسا كوپ ۇقساستىقتى بايقامادىم. ءوزىمىزدىڭ ەلىمىزدىڭ ونەرىنە ەڭبەك سىڭىرگەن اعا­لارىمىزعا تەڭەپ جاتسا، مەن ءۇشىن سول مəرتەبە. Əمىرە قاشاۋباەۆ، ەرمەك سەركەباەۆ، بيبىگۇل تولەگەنوۆا، ايمان مۇساقوجاەۆا، مايرا مۇحامەدقىزى سىندى اعا-اپالارىمىزعا قۇرمەتىم ەرەكشە.

ايىمجان:
– بەلگىلى ءانشى سۇندەت بايعوجينمەن دۋەت جازدى­را­تىنىڭدى ءبىر سۇحباتىڭنان وقىعانبىز. بۇل يدەيا قالاي تۋعانىن، ەكەۋىڭ بىرىگىپ قانداي ءاندى شىرقاعاندارىڭدى ايتىپ بەرەسىڭ بە؟

– سۇندەت بايعوجيننىڭ وزىنەن وسىنداي ۇسىنىس ءتۇسىپ، مەن ءۇشىن ۇلكەن جاڭالىق بولدى. سۇندەت اعا – قازىرگى تاڭدا وپەرا ساحناسىندا جارقىراپ جۇرگەن ماڭدايالدى انشىلەردىڭ ءبىرى. اعا بۇل كۇندەرى ماسكەۋدە ءوتىپ جاتقان «بولشايا وپەرا» بايقاۋىنا قاتىسۋدا. سونىڭ ءبىر بولىمىندە ءوزىنىڭ ەلىندەگى تانىمال əنشىمەن دۋەت قۇرۋ دەگەن شارت بار ەكەن. ول سوعان مەنى تاڭداپتى. قازىر فرانتسۋز تىلىندەگى وپەرالىق ءəندى جازۋ ۇستىندەمىز. ارينە، اعامىزعا جەڭىس تىلەيمىن!

اقبوتا:
– وسى كۇندەرگە دەيىن قانشا، قانداي اندەردى جازدىڭ؟

– قازىرگى تاڭدا əن قور­جى­نىمدا قازاق، ورىس، اعىل­شىن، ۋكراين، يتاليا، فرانتسۋز ءتىل­دەرىندە əندەر بار. رەپەر­تۋا­رىمدا 30-40 شاقتى əن جي­ناق­تالىپ قالدى. اۆتورلىق əندەرىم دە بارشى­لىق. جاڭا əن­دەرىم دە جازىلۋدا. بەي­نەبايان ءتۇسىرۋدى دە جوسپارلاپ قويدىم.

photo20160127-16-57055619-kalzhan_tursynbayev

باتىرحان:
– سەن «دايديداۋ» اتتى حالىق انىمەن جۇرتقا تانىلدىڭ. «پاسپورتىڭ» دەپ وسى ءاندى ايتۋعا بولادى. شىعارماشىلىعىڭدى نەگە ناقتى وسى انمەن باستادىڭ؟

– بۇل ءاننىڭ «پاسپورتىما» اينالعانى راس. ءوزىم ۇلكەن ساحناعا حالىق əنىمەن شىعۋ كەرەك دەپ شەشتىم. وسى ءاندى داۋىسىمنىڭ بار مۇمكىندىگىن كورسەتەتىن بولعان سوڭ تاڭدادىم. نەگىزىنەن، قازاعىمىزدىڭ əندەرى əلەم كلاسسيكتەرىنىڭ شىعارمالارىنان ارتىق بولماسا، كەم ەمەس دەپ ويلايمىن.

سانجار:
– سەنىڭ اتا-اناڭ دا بەلگىلى انشىلەر. داۋىسىڭ اناڭا، ال كومپوزيتورلىعىڭ اكەڭە تارتقان سياقتى، قالاي ويلايسىڭ؟

– Əرينە، ونەر ماعان قان ارقىلى بەرىلدى. سول ايتقانداي، اكەمنەن دە، انامنان دا جۇققانى بار شىعار. ول كىسىلەر ونەر ادامدارى بولعاندىقتان، مەن ولاردى ۇيالتپاۋعا تىرىسامىن. بارلىق جاعىنان وزىق بولىپ كورىنۋ ءۇشىن ەڭبەكتەنۋ ۇستىندەمىن.

سەرىكقازى كاكىبالانوۆ، IT مامانى:
– يماندىلىق. بايلىق. اتاق. وسىنىڭ قايسىسىن تاڭدار ەدىڭىز؟

– ويلانباستان يمان­دى­لىقتى تاڭدايمىن.

ايزادا تۇرمۇحاشەۆا، ستۋدەنت:
– ديماش، تالانتىڭدى شىڭداۋ ءۇشىن تاعى نە ىستەۋ كەرەك دەپ ويلايسىڭ؟
– ءالى دە كوپ ەڭبەكتەنىپ، ءبىلىمىمدى تەرەڭدەتۋ جəنە دە تəجىريبە جيناقتاۋىم قاجەت دەپ ويلايمىن.

بەكسۇلتان:
– «تاۋەلسىزدىكتىڭ 25 جىلدى­عىنا – 25 كونتسەرت» باعدار­لا­ماسىمەن بىرنەشە قالاعا كونتسەرتپەن باردىڭ. قورىتىندى كونتسەرتىڭ استانادا وتپەك ەكەن. ونى قاشان، قاي عيماراتتا وتكىزبەكسىڭ؟

– الداعى ۇلكەن كەشتەردى استانا جəنە الماتى قالالارىندا، سونىمەن قاتار تۋعان جەرىم – اقتوبەدە دە وتكىزۋدى جوسپارلاپ قويدىم. كۇنىن ءالى ناقتىلامادىم، بىراق كونتسەرتتەرىمدى سول قالالاردىڭ باس­تى كونتسەرت زالدارىندا وتكىزە­مىن دەپ شەشتىم.

فاريزا:
– مايرا مۇحامەدقىزىمەن دە بىرگە ءان ايتقانىڭ بار. اتاقتى وپەرا انشىسىنەن ساباق الىپ جۇرگەنىڭدى ەستىدىك. سول راس پا؟

– «حابار» ارناسىنداعى «7 əن» بايقاۋىندا مايرا اپايىمىز ءان سالۋ مانەرىمە ءسۇيسىندى. سودان سوڭ الداعى ۋاقىتتا مەنىمەن بىرگە دۋەت جازۋعا ۋادە بەردى. سول ۋادەسىن ورىنداپ، بىرگە ءان ايتىپ، حالىققا ۇسىندىق. شىنىمدى ايتسام، اپايىممەن əن ايتۋ ماعان ۇلكەن ەمتيحان بولدى. ال ارنايىلاپ ول كىسىدەن ءدəرىس الىپ جاتقانىم جوق.

دايىنداعان:

امانعالي قالجانوۆ

ماتەريالدى “استانا اقشامى” گازەتىنىڭ astana-akshamy.kz رەسمي سايتىنا سىلتەمە جاساعاندا عانا پايدالانۋعا رۇقسات ەتىلەدى.

پىكىر جازۋ

پوچتاڭىز جاريالانبايدى