دەنساۋلىققا دەن قويۋ قاجەت

0 97

استانا قالاسىنىڭ پسيحيكالىق دەنساۋلىق پروبلەمالارى ورتالىعىنىڭ ۇجىمى پرەزيدەنتىمىز نۇرسۇلتان نازارباەۆتىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسىن تالداپ، ەلىمىزدىڭ الەۋمەتتىك ساياساتىنىڭ باسىمدىق باعىتتارىمەن تانىستى.

365 ورىندىق اۋرۋحانا مەن ەمحانادان تۇراتىن ورتالىقتا الپىسقا تارتا بىلىكتى دارىگەر، جۇزگە جۋىق ورتا مەديتسينالىق قىزمەتكەرلەر ەڭبەك ەتەدى. سو­نىمەن قاتار، كۇندىزگى ستاتسيونار جۇمىس ىستەيدى.

«ەلباسى ماقالاسىندا جان-جاقتى قامتىلعان ماسەلەلەردىڭ، ءومىر ساپاسىنىڭ قازاقستاندىق ۇلگى-قالىبى جايىنداعى تۇشىمدى ويلارى بارىمىزگە قاتىستى. بۇل رەتتە «ءاربىر قازاقستاندىق وزىنەن باستاۋى كەرەك: ءوزىنىڭ ۇيىنەن، قالاسىنان، اۋىلىنان باستاۋى، ءوزىنىڭ دەنساۋلىعى مەن ءومىر ءسۇرۋ سالتى تۋرالى ويلانۋى كەرەك. مۇنسىز ەشقانداي جاڭا ءومىر سا­پاسى ورناماق ەمەس. ءاربىر اۋىل مەن قالا تازالىقتىڭ، كوركەيۋدىڭ، تارتىپتىلىكتىڭ ۇلگىسىنە اينا­لۋى كەرەك. قولدا باردى ساقتاپ، كوبەيتە بەرۋ ءۇشىن ءاربىر قازاقستاندىق ەڭبەكقور ءارى قۇنتتى قوجايىن بولۋى ءجون» دەگەن جول­دار ءاربىر ازاماتتىڭ ۇستانىمى بولۋى كەرەك دەپ ويلايمىن. ءبىزدىڭ ۇجىم دا وسى باعىتتاردى ەسكەرە وتىرىپ، ءوز جۇمىسىن جانداندىرۋدا. كورسەتىلەتىن مەديتسينالىق قىزمەتتىڭ ساپاسىنا دەگەن جاۋاپكەرشىلىكتى ءار دارىگەر جاقسى تۇسىنەدى. ادامنىڭ جانىن ەمدەسەڭ، ءتانى دە تەز ساۋىعادى دەگەن قاعيدانى بەرىك ۇستانىپ، سالامات­تى ءومىر سالتىن ناسيحاتتاۋدان جالىققان ەمەسپىز. ورتالىقتا كىتاپحانا، سپورت الاڭدارى جۇمىس ىستەيدى. كاسىپوداق جۇمىسى دا جولعا قويىلعان»، – دەيدى ورتالىق ديرەكتورى ءسابيت ءابدىرايىموۆ.

 ايگۇل ۋايسوۆا

 

پىكىر جازۋ

پوچتاڭىز جاريالانبايدى

fourteen − 3 =