Densawlıq saqtawdıñ sarbazımız

Altınşaş Tabwldïna, №5 emhananıñ bas därigeri, Nur-Sultan qalalıq mäslïhatınıñ depwtatı:

0 20

– 8 nawrız – Halıqaralıq ­äyelder merekesi küni däriger ­äyelderge zor alğıs aytamın. Qay kezde de olardıñ qoğamdağı röli erekşe. Al qazirgi kezde burın älemge belgisiz bolıp kelgen COVID -19 vïrwsı şartarapqa tarap jatqanda näzik jandılar – därigerler, medbïkeler, sanïtarlıq därigerler özderiniñ densawlığın qaterge tige otırıp, mindetterin adal atqarwda. Vïrwstıñ Qazaqstanda taralw qawpi küşeygen tusta qoğamnıñ medïcïnalıq qızmetkerlerdiñ indetke qarsı tura alw qabileti men biliktiligine asa nazar awdaratını tüsinikti. Büginde Nur-Sultan qalasına qawipti aymaqtardan kelwşiler äwejaydan tüskennen bastap turaqtı baqılawğa alınğan. Onday jandarğa der kezinde käsibï qızmet körsetw üşin medqız­metkerler, özderiniñ kündelikti mindetterinen basqa, arnayı oqwdan ötip, qosımşa kezekşilik atqarwda.
Medïcïnalıq uyımdardıñ ärbir basşısı öz qızmetkerlerin psïhologïyalıq turğıdan dayar­law­da jäne tötenşe jağdaylarğa saqaday say bolwın qamtamasız etwde. Älbette, meniñ qızmetkerlerimniñ köñilinde alañ bar, biraq eñ bastısı olardıñ ult sawlığı üşin bastarın qaterge tigwge äzir ekenin köremin. Biz mindetimizdi orınday otırıp, sanalı türde qurbandıqqa baramız jäne bul – tanımaldıqtı arttırwdıñ amalı emes, bizdiñ jumısımızdıñ ajıramas böligi. Osı turğıdan alğanda, därigerler densawlıq saqtaw qızmetinde turğan sarbazdar sïyaqtı. Apat kezinde olardan buyrıqtı orındawı, al qajet bolatın bolsa jandarın pïda etw kütiledi. Qalıptasqan jağdayğa baylanıs­tı men eldiñ alañdawşılığın tüsinemin. Därigerler indet taralw jağdayında köp jağdaydıñ özderine baylanıstı ekenin tüsinedi. Sizderdiñ qoldarıñızdan köp närse keledi. Merekeleriñizben, qurmetti äriptester, qız-kelinşekter!

 

Pikir jazw

Poçtañız jarïyalanbaydı

4 × 5 =