Densawlıq salası därmensiz bolmasın

0 62

Nur-Sultan qalasında Qazaqstan Halıq partïyası atınan QR Parlamenti Mäjilisiniñ depwtattığına kandïdattar Oljas Sızdıqov pen Ïslam Suñqar erekşe balalarğa arnalğan «Spïna bïfïda» qorınıñ basşılarımen, ata-analarmen kezdesw ötkizdi. Oğan Zoom-beynekonferencïyasına qosılw mümkindigi qarastırıldı.

Kezdeswde ata-analar arqa bïfïda awrwı, medïcïnalıq qızmet körsetw sapası jäne älewmettik kepildikke qatıstı mäselelerdi köterdi. Dïalog kezinde Qazaqstan Halıq partïyasınıñ saylawaldı platforması usınıldı. Onda Qazaqstan Respwblïkasınıñ ärbir azamatın qoljetimdi jäne sapalı medïcïnamen qamtamasız etwge birinşi kezekte basımdıq berilgen.
– Densawlıq saqtaw jüyesi köp jağdayda därmensizdik tanıtadı. Munı emhanağa nemese awrwhanağa jügingen ärbir qazaqstandıq jaqsı biledi. Ïnnovacïyalardıñ baqılawsız engizilwi jıldar boyı jïnaqtalğan artıqşılıqtardıñ joğalwına alıp keldi. Medïcïnağa jumsalatın şığındı jedel türde arttırıp, mindetti medïcïnalıq tekserwdiñ jäne azamattardı emdewdiñ kepildi kölemin ulğaytw kerek. Memleket awır nawqastardı emdewge arnalğan barlıq şığıstardı ötewge tïis, – dedi Oljas Sızdıqov.
Ïslam Suñqardıñ aytwınşa, memleket ärbir adamnıñ densawlığına män berwi kerek. Alayda olardıñ esebinen payda tabwğa jol berilmewi tïis.
– Älewmettik saqtandırw qorınıñ qarjısın emhanalar men awrwhanalardı jañğırtwğa jumsaw kerek. Medïcïnalıq mekemelerdi tehnologïyalıq turğıdan qayta jabdıqtaw qajet. Bul rette medïcïnalıq personaldıñ quzıretin arttırw da mañızdı. Jalğan däri-därmekterdi satqandar üşin qılmıstıq jazanı qatañdatw kerek, – dedi Ïslam Suñqar.
Kezdesw barısında spïkerler QHP saylawaldı bağdarlamasınıñ negizgi bağıttarın tüsindirdi. Partïyanıñ bastamaları älewmettik memleket qurwğa, Qazaqstan azamattarınıñ müddeleri men quqıqtarın qorğawğa bağıttalğan.
İs-şara saylawaldı ügit-nasïhat nawqanı ayasında uyımdastırıldı.

Pikir jazw

Poçtañız jarïyalanbaydı

three × 2 =