دەنساۋلىق سالاسى دارمەنسىز بولماسىن

0 59

نۇر-سۇلتان قالاسىندا قازاقستان حالىق پارتياسى اتىنان قر پارلامەنتى ءماجىلىسىنىڭ دەپۋتاتتىعىنا كانديداتتار ولجاس سىزدىقوۆ پەن يسلام سۇڭقار ەرەكشە بالالارعا ارنالعان «سپينا بيفيدا» قورىنىڭ باسشىلارىمەن، اتا-انالارمەن كەزدەسۋ وتكىزدى. وعان Zoom-بەينەكونفەرەنتسياسىنا قوسىلۋ مۇمكىندىگى قاراستىرىلدى.

كەزدەسۋدە اتا-انالار ارقا بيفيدا اۋرۋى، مەديتسينالىق قىزمەت كورسەتۋ ساپاسى جانە الەۋمەتتىك كەپىلدىككە قاتىستى ماسەلەلەردى كوتەردى. ديالوگ كەزىندە قازاقستان حالىق پارتياسىنىڭ سايلاۋالدى پلاتفورماسى ۇسىنىلدى. وندا قازاقستان رەسپۋبليكاسىنىڭ ءاربىر ازاماتىن قولجەتىمدى جانە ساپالى مەديتسينامەن قامتاماسىز ەتۋگە ءبىرىنشى كەزەكتە باسىمدىق بەرىلگەن.
– دەنساۋلىق ساقتاۋ جۇيەسى كوپ جاعدايدا دارمەنسىزدىك تانىتادى. مۇنى ەمحاناعا نەمەسە اۋرۋحاناعا جۇگىنگەن ءاربىر قازاقستاندىق جاقسى بىلەدى. يننوۆاتسيالاردىڭ باقىلاۋسىز ەنگىزىلۋى جىلدار بويى جيناقتالعان ارتىقشىلىقتاردىڭ جوعالۋىنا الىپ كەلدى. مەديتسيناعا جۇمسالاتىن شىعىندى جەدەل تۇردە ارتتىرىپ، مىندەتتى مەديتسينالىق تەكسەرۋدىڭ جانە ازاماتتاردى ەمدەۋدىڭ كەپىلدى كولەمىن ۇلعايتۋ كەرەك. مەملەكەت اۋىر ناۋقاستاردى ەمدەۋگە ارنالعان بارلىق شىعىستاردى وتەۋگە ءتيىس، – دەدى ولجاس سىزدىقوۆ.
يسلام سۇڭقاردىڭ ايتۋىنشا، مەملەكەت ءاربىر ادامنىڭ دەنساۋلىعىنا ءمان بەرۋى كەرەك. الايدا ولاردىڭ ەسەبىنەن پايدا تابۋعا جول بەرىلمەۋى ءتيىس.
– الەۋمەتتىك ساقتاندىرۋ قورىنىڭ قارجىسىن ەمحانالار مەن اۋرۋحانالاردى جاڭعىرتۋعا جۇمساۋ كەرەك. مەديتسينالىق مەكەمەلەردى تەحنولوگيالىق تۇرعىدان قايتا جابدىقتاۋ قاجەت. بۇل رەتتە مەديتسينالىق پەرسونالدىڭ قۇزىرەتىن ارتتىرۋ دا ماڭىزدى. جالعان ءدارى-دارمەكتەردى ساتقاندار ءۇشىن قىلمىستىق جازانى قاتاڭداتۋ كەرەك، – دەدى يسلام سۇڭقار.
كەزدەسۋ بارىسىندا سپيكەرلەر قحپ سايلاۋالدى باعدارلاماسىنىڭ نەگىزگى باعىتتارىن ءتۇسىندىردى. پارتيانىڭ باستامالارى الەۋمەتتىك مەملەكەت قۇرۋعا، قازاقستان ازاماتتارىنىڭ مۇددەلەرى مەن قۇقىقتارىن قورعاۋعا باعىتتالعان.
ءىس-شارا سايلاۋالدى ۇگىت-ناسيحات ناۋقانى اياسىندا ۇيىمداستىرىلدى.

پىكىر جازۋ

پوچتاڭىز جاريالانبايدى

three + one =