دەمالىس كۇندەرى كارانتين شارالارى كۇشەيتىلەدى

0 20

قر باس مەملەكەتتىك سانيتارلىق دارىگەرىنىڭ قاۋلىسىنا سايكەس 17 تامىزدان باستاپ ەلىمىزدە كارانتين شارالارى جەڭىلدەتىلىپ، بىرقاتار كاسىپكەرلىك نىساننىڭ جۇمىسىنا قايتا رۇقسات بەرىلدى. الايدا كارانتيندىك شەكتەۋلەر دەمالىس كۇندەرى ساقتالاتىن بولدى.

22 جانە 23 تامىز كۇندەرى ساقتالاتىن شەكتەۋلەر:
– قوعامدىق كولىك قوزعالىسىنا;
– 65 جاستان اسقان ادامداردىڭ كوشەگە شىعۋىنا;
– ساۋدا، ويىن-ساۋىق ورتالىقتارى (ونداعى ازىق-تۇلىك سۋپەرماركەتتەرى مەن ءدارىحانالاردى قوسپاعاندا), ساۋدا ۇيلەرىنىڭ، ساۋدا جەلىلەرىنىڭ جۇمىسىنا;
– ازىق-تۇلىك ەمەس جانە ازىق-تۇلىك جابىق بازارلارىنىڭ جۇمىسىنا;
– سۇلۋلىق سالوندارى، شاشتارازدار، سپا-ورتالىقتارى، كوسمەتولوگيالىق قىزمەت كورسەتەتىن نىسانداردىڭ جۇمىسىنا;
– فيتنەس-ورتالىقتار مەن سپورتتىق-ساۋىقتىرۋ ورتالىقتار، قوعامدىق مونشالار، ساۋنالاردىڭ جۇمىسىنا;
– بالالار مەن ەرەسەكتەرگە ارنالعان ءبىلىم بەرۋ ورتالىقتارىنىڭ، تۇزەتۋ كابينەتتەرىنىڭ جۇمىسىنا;
– اشىق اۋادا اتتراكتسيونداردىڭ جۇمىسىنا تىيىم سالىنادى.
سونداي-اق 17 تامىزدان كارانتيننىڭ جەڭىلدەتىلۋىنە قاراماستان، بىرقاتار نىساننىڭ قىزمەتىنە جۇمىس جانە دەمالىس كۇندەرى دە رۇقسات بەرىلمەگەن ەدى. اتاپ ايتقاندا:
– بارلاردىڭ، تۇنگى جانە ويىن كلۋبتارىنىڭ، ­كاراوكە، فۋدكورتتاردىڭ، كينوتەاترلاردىڭ جانە بالالار مەن ەرەسەكتەرگە ارنالعان باسقا دا ويىن-ساۋىق ورىندارىنىڭ جۇمىسىنا;
– مادەنيەت نىساندارىنىڭ، مۋزەيلەردىڭ قىزمەتىنە، كونفەرەنتسيالار، كورمەلەر، فورۋمدار وتكىزۋگە;
– ويىن-ساۋىق، سپورتتىق، وتباسىلىق، ەستەلىك، سالتاناتتى جانە باسقا دا بۇقارالىق ءىس-شارالاردى وتكىزۋگە، سونىمەن قاتار ۇيدە وتكىزۋگە;
– باسسەيندەر، قالالىق جانە قوعامدىق جاعاجايلار، اشىق اكۆاپاركتەردىڭ جۇمىسىنا;
– ءدىني نىسانداردىڭ جۇمىسىنا;
– قالا ماڭىنداعى جولاۋشىلار پويىزدارىنىڭ/ەلەكتريچكالاردىڭ قوزعالىسىنا، جۇمىس پو­يىزدارىن، قالاارالىق اۆتوبۋستاردى/ميكرواۆتوبۋس­تاردى قوسپاعاندا، ورتاق ۆاگونداردى قۇرۋعا تىيىم سالىنادى.

پىكىر جازۋ

پوچتاڭىز جاريالانبايدى

two + 8 =