Дауасыз дерттен сақтан

0 136

Ғасыр дерті саналатын СПИД-ке ( ЖИТС – жүре пайда болған им­мун­дік­тап­шылық синдромы) шалдығу өлім жазасына кесілгенмен бірдей. Себебі, жер бетінде бұл дертке­ шипа боларлық дәрі әлі жасалған жоқ. Одан сақтанудың бір ғана жолы – сақтану, алдын алу.

Біз көп жағдайда СПИД-тен келетін қауіп пен оны тудыратын негізгі әдет­тер­ жайында ашық айта бермейміз. Бүркемелеп жатамыз. Ал, халықтың ондай әдеттерден хабарсыз болуы салдарынан дертке шалдығушылар саны да азаймай отыр.

Мәселен, ерлермен жыныстық қа­ты­нас­қа тү­се­тін ерлер ауруды­ таратушы негізгі топ­тың­ бірі болып табылады.

Бүкіл әлемдегі ВИЧ (АИТВ – адам­ның­ им­мун­­­дық тапшылық вирусы) жағ­дай­ла­рының 5-10 пайызы ерлер мен ерлер арасындағы жыныстық қатынастың әсе­рі­нен таралады екен. Ал, Халықаралық ЮН­ЕЙ­ДС­ ұй­ымы­ның мәліметі бойынша, Солтүстік Америка, Австралия, Жаңа Зеландия және Батыс Еуропа елдерінде бұл көрсеткіш 70 пайызды құрайды. Ал, Астана қаласында мұндай жандардың саны 2430-ға жетіп отыр. Жыл сайын осындай адамдар ара­сын­да­­ эпи­де­мио­ло­гиялық қадағалау жүргізіп оты­рамыз.

2012 жылы жүргізілген эпидемиологиялық қадағалау қо­ры­тын­ды­сы бойынша ерлермен жыныстық қатынасқа түсетін ерлердің 1 пай­ызы ВИЧ жұқтырған 2 пайызы мерез тасымалдаушысы болып шықты.

ВИЧ адамның ағзасына түскен кезде, бізді аурулар мен инфекциядан қорғайтын ағзаның иммундық жүйесін бұзады.

Міне, өздеріңіз байқағандай, жыныстық жұқпалы аурулар әдепсіз жыныстық өмiрдің нәтижесінде туады. Сондықтан, СПИД ауруына жол бермеу үшін жыныстық жұқпалы аурулармен тек таяуда ғана ауырғандарды ғана емес, бұрын ауырғандарды да тексеру қажет. Себебi, олар жыныстық жұқпалы аурулардан айыққанымен, СПИД ауруының алғашқы жасырын кезеңiнде болуы мүмкiн. Олардың сексуалдық жұптарын да анықтап, тексеруден өткізу керек.

М. ӘБУҒАЛИЕВА,
Астана қаласы ЖИТС орталығының дәрігер-эпидемиологы

Пікір жазу

Почтаңыз жарияланбайды

ten + twenty =