Дәрігерлер дем берді

0 565

Адамға өмір бір-ақ рет беріледі. Ал,­ де­неңізді дерт меңдеп, өмі­р­і­ңізге қатер төнгенде арашаға тү­­сетін дәрігерлер десем, артық айт­­қан­дық емес. Сондықтан да, осы­ ха­тым арқылы дәрігерлерге ал­ғыс ай­ту­ды жөн көрдім. Мен 1 қараша күні Ас­­тана қаласының Ана мен бала ұлттық ғы­­лыми орталығына Нұрилә атты қы­­зымды ем­дету­ге әкелдім. Қызыма 7­­ сағат бойы күрделі ота жасалды. Сон­да мұн­да өз ісінің нағыз білікті ма­­ман­дары жұмыс іс­тей­ті­ніне көз­ жет­­кіз­дім.­ Айтайын дегенім, мұн­да­­ғы тазалық, қыз­меткерлердің іл­­ти­па­ты, науқастармен қарым-қа­ты­­на­сы кө­ңілімнен шықты. Олар нау­­қас­тың­ кө­ңі­лін­ кө­теріп, өмір­ге­ де­­ген­ құ­л­шы­ны­сын­ арт­ты­­рып­ жү­­­ре­ді.­ Арасында маған да қы­зым­ның­­ аяққа тұрып кететінін ай­тып, жұ­­батып қояды. Мұның өзі жа­ны­мызға дем береді. Науқастарға мей­­­ірімді болу, шамасы келсе­ өз­­ге­­лерге жақсылық жасауға ұм­ты­­­лу, үл­кенді сыйлау мен кішіге өне­ге, қам­қорлық көрсету өте ер­­­т­еден келе жатқан, ұлтымызды ұш­­паққа шы­ғаратын қа­сиеттер ғой. Әсіресе, Ор­топедия бөлімінің мең­­герушісі Болат На­ғмановқа, кө­­мекшісі Ар­дақ­ Нұрмахановқа ри­­за­­шы­­лы­ғым­ды­ білдіремін.

Мұнда Елбасымыздың тап­сыр­ма­­сымен халыққа ме­ди­ци­налық кө­мек көрсетуді жақсарту жө­нін­дегі іс-шаралар ти­імді жүзеге асып жатыр деп ойлаймын. Кәсі­би­­ліктеріңіз үшін, адал қызмет етіп,­ адам­дардың денсаулығы жо­лын­­­да­ жасаған ең мейірбан да аб­зал ең­бектеріңіз үшін шексіз ал­ғыс ай­та­мын. Мекеме дәрігерлері осы ба­ғыттан таймай жұмысты жал­ғас­­тыратын болса, үлкен нәтижеге қол­ жет­кі­зе­рі­ сөзсіз. Ендеше, қи­­ын­ да­­­ жау­ап­ты­ ең­бек­те­рі­ңіз­ге­ та­быс ті­­леймін! Әрқашан ел се­ні­мін ақтап, қо­­шеметке бөлене бе­ріңіздер дегім ке­­леді.

Асан Досболаев,
Оңтүстік Қазақстан облысы
Бәйдібек ауданы
Ақбастау ауылы

Пікір жазу

Почтаңыз жарияланбайды

two × three =