Däriger qateligi qalay bağalanadı?

0 23

Mäjilis Halıqtıñ densawlığı jäne densawlıq saqtaw jüyesi twralı kodekske Senat engizgen därigerdiñ qateligin dekrïmïnalïzacïyalaw twralı tüzetwlermen kelisti. Osıdan keyin, reglamentke säykes zañ jobası qabıldanıp, Prezïdenttiñ qol qoyuına jiberiledi.

Senator Serik Bekturğanov zañ jobasındağı tüzetwlerdi bılayşa tüsindirip berdi: medïcïna qızmetkerleriniñ klïnïkalıq zerttewler, awrwdıñ aldın alw, dïagnostïka, em-dom jasaw jäne medïcïnalıq ayıqtırw jürgizw barısında awır saldarı bolsa nemese ol zañ buzwşılıq lawazımdı tulğanıñ tarapınan jasalğan bolsa Qılmıstıq kodekstegi jaza türi burınğı küyinde qaladı. «Buğan qosa, joğarıdağıday is-qïmıldar barısında awır saldarı bayqalmasa jäne lawazımdı tulğanıñ tarapınan zañ buzwşılıq jasalmasa, onı Äkimşilik-quqıq buzwşılıq kodekske awıstırwdı usındıq» dedi S.Bekturğanov.
Senat engizgen tüzetwlerge säykes, därigerlerdiñ zañ buzw faktilerine qatıstı qılmıstıq is qozğaw üşin şağımğa wäkiletti organ jürgizgen tekseris aktileri men revïzïyalıq qujattar qosa beriledi. «Qazir munday ereje joq. Sol sebepten, därigerlerdiñ äreketine qatıstı kez kelgen şağımnan keyin qılmıstıq is qozğaladı. Qılmıstıq is qozğalğannan keyin, ärtürli taldaw, küdiktilerden jawap alw men kwägerlerge sawalnama jürgizw, materïaldardı jïnap alw jäne özge de tergew is-şaraları jüzege asırıladı. Munday jağdayda tergewşilerdiñ jumısı eki esege köbeyumen qatar, därigerlerdiñ de jumısı toqtaydı. Olardıñ aynalasında küdik pen senimsizdik ahwal qalıptasadı. Alayda bir ğana şağımnıñ negizinde qozğalğan qılmıstıq isterdiñ az ğana böligi sotqa deyin jetedi» dep tüsindirdi senator.

Pikir jazw

Poçtañız jarïyalanbaydı

five × two =