دانيار ەلەۋسىنوۆ: بالامنىڭ بوكسشى بولعانىن قالامايمىن

0 199

pogudx3luf6k90h7b-562ab720

«استانا اقشامى» گازەتىنىڭ ءداستۇرلى «وقىرماننان ون سۇراق» ايدارىنىڭ بۇل جولعى قوناعى – ريو-دە-جانەيرو وليمپياداسىنىڭ چەمپيونى دانيار ەلەۋسىنوۆ. التىن جۇلدەسىمەن ەل ابىرويىن اسىرعان جەڭىمپاز وقىرماندارىمىزدىڭ جولداعان ون ساۋالىنا جاۋابىن بەردى.

ماقسات پاتساباەۆ، مۇعالىم:
– وليمپيادا شىڭىن باعىندىردىڭىز. ەندىگى ماقساتىڭىز قانداي؟ توكيوعا باراسىز با؟ الدە كاسىپقوي بوكسقا اۋىساسىز با؟
– ول تۋرالى ءالi ويلانعان جوقپىن. جاقسىلاپ دەمالىپ الىپ، سودان سوڭ كورەمiن.
 
گۇلميرا، مەدبيكە:
– ءوزىڭىز بوكسشىلار اۋلەتىندە تاربيەلەندىڭىز. جەڭىسىڭىزگە اكەڭىزدىڭ ۇلكەن ەڭبەگى سىڭگەنىن ءاردايىم ايتىپ جۇرەسىز. اعاڭىز دا بوكستا ءبىرتالاي بەلەستى باعىندىردى. وسى ءداستۇردى جالعاستىرىپ، بولاشاقتا ءسىز دە ۇلىڭىزدى بوكسشى ەتىپ تاربيەلەيسىز بە؟
– ونى ۋاقىت كورسەتەدi. ءوز باسىم بوكسشى بولعانىن قالامايمىن. بالامنىڭ بويىنان اعام ەكەۋمiزدiڭ بويىمىزدان اكەم كورگەن قابiلەت پەن قاسيەتتەر تابىلىپ جاتسا جانە بوكسپەن اينالىسۋعا ءوزiنiڭ قىزىعۋشىلىعى بولسا، ءوزىنىڭ قالاۋى بولادى.
 
ءابدىراحمان پەرنەشوۆ:
– قازاقتىڭ سالماعى سانالعان 69 كەلىدە التىن الىپ، ءداستۇردى جالعادىڭىز. ەگەر كەلەسى وليمپياداعا قاتىسپايتىن بولساڭىز، ءوزىڭىزدىڭ ءىزباسارىڭىز رەتىندە قانداي جاس بوكسشىلاردى اتار ەدىڭىز؟
– بۇل سالماقتا بوكسشىلار بارشىلىق. ابىلايحان ءجۇسىپوۆ 69 كەلiگە كوتەرiلۋi مۇمكiن. ەگەر 75 كەلiگە اۋىسىپ كەتپەسە، اسلانبەك شىمبەرگەنوۆ تە بار. سونداي-اق، ساعادات راحمانقۇلوۆ جانە تاعى باسقا جاس بوكسشىلار شىعۋى مۇمكiن.
 photo_67515
ميراس بيكەنوۆ، وقۋشى:
– بالا دانيار قانداي بولدى؟ العاشقى جەڭىسىڭىز ەسىڭىزدە مە؟ العاشقى التىن مەدالدى قانداي تۋرنيردە الدىڭىز؟
– العاشقى جەڭiسiم قالاي ۇمىتىلسىن؟! ءبىرىنشى رەت ورال قالاسىنىڭ بiرiنشiلiگiندە 8 جاسىمدا وزiمنەن 2-3 جاس ۇلكەن بالالار اراسىندا قالا چەمپيونى اتاندىم.
 
بوتا:
– ءسىزدىڭ جاقسى بوكسشى عانا ەمەس، جاقسى ءبيشى ەكەنىڭىزدەن دە حاباردارمىز. كوپشىلىك ينتەرنەتتە تاراعان ءبيىڭىزدى ۇناتىپ، باعاسىن باس بارماعىمەن بەرىپ جاتىر. ول ءبيىڭىز ءۇشىن نەگە ۇيالاسىز؟
– بiلمەيمiن، قازiر وزiمە ەرسi كورiنەدi.   
 
نۇرلىبەك، كاسىپكەر:
– وليمپيادادا وسال قارسىلاس بولمايدى. دەگەنمەن سىزگە ەڭ قيىن قارسىلاس كىم بولدى؟ جارتىلاي فينالدا قاباعىڭىز جارىلعاندا، قانداي سەزىمدە بولدىڭىز؟
– ارينە، فينالدىق كەزدەسۋ. ويتكەنi جاراقاتىما سوققى تيگiزiپ الۋدان قورىقتىم، ەگەر جاراقاتىما سوققى تيiپ قان توقتاماسا، ەرەجە بويىنشا جەڭiس تەحنيكالىق نوكاۋتپەن قارسىلاسىما بەرiلۋi مۇمكiن. بىراق بۇل جاعدايدىڭ ءبىر جاعىنان پايداسى دا بولدى.
 
سالتانات ابدىرازاق، ستۋدەنت:
– بولاشاقتا ءسىزدى قانداي سالادان كورۋىمىز مۇمكىن؟ شاكىرت تاربيەلەپ، باپكەر بولۋ ويىڭىزدا بار ما؟
– ازiرگە ويلانعان جوقپىن. ۋاقىتى كەلگەن كەزدە كورەرمiز. 
 
باقداۋلەت:
– ءسىز التىن العاندا، بۇكىل قازاق قۋانىشتان بوركىن اسپانعا اتتى. گازەت، سايت، الەۋمەتتىك جەلىلەردە اقىندار سىزگە ارناپ ولەڭ جازدى. سول ولەڭدەردى وقىدىڭىز با؟ وقىساڭىز، قانداي ولەڭ جولدارى ەسىڭىزدە قالدى؟
– ۇل تۋعان قازاعىما دانيارداي،
اينالدىم اناسىنان عالياداي!
الاشقا التىن مەدال الىپ بەرگەن،
ەڭبەگi اكەسiنiڭ دارياداي.
سونداي-اق:
وتىرمىن شىن سەزiمگە ەرiك بەرiپ،
قوقاندى حيۋاسىمەن الدىم جەڭiپ.
اۋزىمنان ءالi جالىن وت شىعادى،
ۇرەيدەن، ىزا-كەكتەن كەتكەن كەرiپ.
 
فاتيما:
– بوكستا ادىلەتسىزدىك ءجيى جاسالاتىنىن كوزىمىز كورىپ ءجۇر. سىزگە دە سولاي جەڭىپ تۇرعان ساتىڭىزدە ادىلەتسىزدىك جاسالعان كەز بولدى ما؟
– ارينە، بولدى ونداي كەزدەر. بiراق قولىمدى كوتەرمەگەن كەزدە، مۇمكiن ءوز دەڭگەيiمدە لايىقتى ونەر كورسەتە الماعان شىعارمىن دەپ ويلادىم.
 
باقىت وتەنوۆ، قۇرىلىسشى:
– باركەر كۋبوگىنان ۇمىتتەندىڭىز بە؟ ءسىزدىڭ ويىڭىزشا، بۇل اتاققا كىم لايىق بولدى؟
– جوق، ۇمiتتەنگەن جوقپىن. نەگiزi, مەنiڭشە، بۇل اتاققا كۋبالىق بوكسشىلار ارلەن لوپەس نەمەسە روبەيسي راميرەس لايىق دەر ەدiم.

دايىنداعان: ورىنبەك وتەمۇرات

پىكىر جازۋ

پوچتاڭىز جاريالانبايدى

7 − 7 =