Damıtw josparın tanıstırdı

0 19

Nur-Sultan qalası Sarıarqa awdanınıñ äkimi Erğalï Egemberdi «Antikor.Live» jobası ayasında onlayn-brïfïngte awdan äkimdiginde atqarılıp jatqan jumıstar men josparlanğan is-şaralar twralı ayttı. 2020 jıldıñ İ toqsanındağı aqparat boyınşa Sarıarqa awdanında şamamen 340 mıñ adam tirkelgen. Bul jalpı elorda turğındarınıñ 29,6 payızın quraydı.Kezdesw barısında äkim Sarıarqa awdanı äkimdiginde «Jumıspen qamtwdıñ jol kartasına» qatıswğa ötinişterdi qabıldaw bastalğanın ayttı. «Bïıl bizdiñ aldımızda Jumıspen qamtw ortalığı bağıtında 250-den astam adamdı turaqtı jumıspen qamtw mindeti tur. Sonımen qatar, «Jumıspen qamtwdıñ jol kartasın» jüzege asırwda 40 üy awmağın abattandırw, 14 qoğamdıq orındarğa qurılıs jumıstarı men retke keltirw, köşelerdi jarıqtandırw jäne swarw jüyesi üşin 2 mlrd teñgege jwıq qarajat bölindi» dedi Erğalï Egemberdi. Efïr barısında äkim «Byudjetke qatısw» jobası ayasında ağımdağı jıldıñ 27 qañtarınan 1 nawrızına deyin 40 ötiniş tüsip, onıñ işinde 13 joba bïıl iske asırılatının jetkizdi. «Men awdan turğındarın «Byudjetke qatısw» jobasına belsendi qatıswğa şaqıramın» dedi Erğalï Egemberdi.
Äkim Sarıarqa awdanında 2018 jıldıñ qaraşa ayında «Astana – adaldıq alañı» jobasın jüzege asırw ayasında «Open space» formatında aşılğan front-keñse twralı atap ötti. Transformacïya ayasında jumıs keñistigin oñtaylandırğan (3-qabat tolıq bosatılğan, 1000 m2). Jıl sayın 38 mln teñge byudjet qarajatın ünemdewge mümkindik beredi. Sarıarqa awdanı elimizde «Sïtï-menejder» jäne «Byudjetke qatısw» sındı serpindi jobalardı birinşi bolıp jüzege asırğan.
Äkimdik awdan turğındarınan olardı tolğandıratın barlıq mäseleler bo­yınşa kündelikti baylanıs ornatwda. «iKomek» jüyesi belsendi turğındarğa problemaların memlekettik organdarğa tez arada jetkizwge erekşe mümkindik beredi. Osı jıldıñ 4,5 ­ayında 11,5 mıñnan astam ötiniş, ötken jılı 14 mıñğa jwıq ötiniş qaralğan.

Pikir jazw

Poçtañız jarïyalanbaydı

ten − 4 =