دامىتۋ جوسپارىن تانىستىردى

0 19

نۇر-سۇلتان قالاسى سارىارقا اۋدانىنىڭ اكىمى ەرعالي ەگەمبەردى «Antikor.Live» جوباسى اياسىندا ونلاين-بريفينگتە اۋدان اكىمدىگىندە اتقارىلىپ جاتقان جۇمىستار مەن جوسپارلانعان ءىس-شارالار تۋرالى ايتتى. 2020 جىلدىڭ ءى توقسانىنداعى اقپارات بويىنشا سارىارقا اۋدانىندا شامامەن 340 مىڭ ادام تىركەلگەن. بۇل جالپى ەلوردا تۇرعىندارىنىڭ 29,6 پايىزىن قۇرايدى.كەزدەسۋ بارىسىندا اكىم سارىارقا اۋدانى اكىمدىگىندە «جۇمىسپەن قامتۋدىڭ جول كارتاسىنا» قاتىسۋعا وتىنىشتەردى قابىلداۋ باستالعانىن ايتتى. «بيىل ءبىزدىڭ الدىمىزدا جۇمىسپەن قامتۋ ورتالىعى باعىتىندا 250-دەن استام ادامدى تۇراقتى جۇمىسپەن قامتۋ مىندەتى تۇر. سونىمەن قاتار، «جۇمىسپەن قامتۋدىڭ جول كارتاسىن» جۇزەگە اسىرۋدا 40 ءۇي اۋماعىن اباتتاندىرۋ، 14 قوعامدىق ورىندارعا قۇرىلىس جۇمىستارى مەن رەتكە كەلتىرۋ، كوشەلەردى جارىقتاندىرۋ جانە سۋارۋ جۇيەسى ءۇشىن 2 ملرد تەڭگەگە جۋىق قاراجات ءبولىندى» دەدى ەرعالي ەگەمبەردى. ەفير بارىسىندا اكىم «بيۋدجەتكە قاتىسۋ» جوباسى اياسىندا اعىمداعى جىلدىڭ 27 قاڭتارىنان 1 ناۋرىزىنا دەيىن 40 ءوتىنىش ءتۇسىپ، ونىڭ ىشىندە 13 جوبا بيىل ىسكە اسىرىلاتىنىن جەتكىزدى. «مەن اۋدان تۇرعىندارىن «بيۋدجەتكە قاتىسۋ» جوباسىنا بەلسەندى قاتىسۋعا شاقىرامىن» دەدى ەرعالي ەگەمبەردى.
اكىم سارىارقا اۋدانىندا 2018 جىلدىڭ قاراشا ايىندا «استانا – ادالدىق الاڭى» جوباسىن جۇزەگە اسىرۋ اياسىندا «Open space» فورماتىندا اشىلعان فرونت-كەڭسە تۋرالى اتاپ ءوتتى. ترانسفورماتسيا اياسىندا جۇمىس كەڭىستىگىن وڭتايلاندىرعان (3-قابات تولىق بوساتىلعان، 1000 م2). جىل سايىن 38 ملن تەڭگە بيۋدجەت قاراجاتىن ۇنەمدەۋگە مۇمكىندىك بەرەدى. سارىارقا اۋدانى ەلىمىزدە «سيتي-مەنەجدەر» جانە «بيۋدجەتكە قاتىسۋ» سىندى سەرپىندى جوبالاردى ءبىرىنشى بولىپ جۇزەگە اسىرعان.
اكىمدىك اۋدان تۇرعىندارىنان ولاردى تولعاندىراتىن بارلىق ماسەلەلەر بو­يىنشا كۇندەلىكتى بايلانىس ورناتۋدا. «iKomek» جۇيەسى بەلسەندى تۇرعىندارعا پروبلەمالارىن مەملەكەتتىك ورگاندارعا تەز ارادا جەتكىزۋگە ەرەكشە مۇمكىندىك بەرەدى. وسى جىلدىڭ 4,5 ­ايىندا 11,5 مىڭنان استام ءوتىنىش، وتكەن جىلى 14 مىڭعا جۋىق ءوتىنىش قارالعان.

پىكىر جازۋ

پوچتاڭىز جاريالانبايدى

16 + sixteen =