Byudjetke qatıswdıñ bügini men bolaşağı

0 72

Memleket basşısı Qasım-Jomart Toqaev bıltır şilde ayında ötken Ükimettiñ keñeytilgen otırısında «halıq atsalısatın byudjet» jobasın qalıptastırwdı, yağnï belgili bir aymaq byudjetin äzirlegende turğındardıñ pikiri men suranısına qulaq aswdı tapsırdı. Prezïdenttik jastar kadr rezervine ötken azamattarmen kezdeswinde osını tağı eske saldı. Osı apta basında el halqına joldağan «Jaña jağdaydağı Qazaqstan: is-qïmıl kezeñi» attı Joldawında bul jobanı damıtwdıñ kelesi kezeñine ötw kerektigin atap ötti.Elordanıñ Sarıarqa awdanında «Byudjetke qatısw» jobasın jüzege asırw ötken jılı bastalıp, tabıstılığın körsetti. Qala basşılığı tarapınan bïıl bul jobanı bas şahardıñ barlıq awdandarında qolğa alwğa tapsırma berildi. Osı bağıtta Sarıarqa awdanı tağı alda keledi. Bıltır atalmış awdanda joba ayasında 14 awla abattandırılsa, osı jılı 13 awla körkeytildi.
Keşe elordada qalalıq qoğamdıq keñestiñ bastamasımen «Nur-Sultan qalasında «Byudjetke qatısw» jobasın jüzege asırw: jïnaqtalğan täjirïbe men bolaşağı» attı «döñgelek üstel» mäjilisi ötti. Bas qala awdandarı äkimdikteriniñ basşılığı, ükimettik emes uyım­dar ökilderi, şahar turğındarı qatısqan jïında kün tärtibindegi mäsele jan-jaqtı talqılandı.
Sarıarqa awdanınıñ äkimi Erğalï Egemberdi jobanı iske asırwda awdan täjirïbesimen bölisip, osı joba şeñberinde abattandırılğan awlalarmen tanıstırdı.
– Awlalardı abattandırw bo­yınşa turğındardan usınıstar jıldan-jılğa köbeyip jatır. Bıltır osınday 22 usınıs kelip tüsse, bïıl 68-ge jetti. Biz mümkindigimizge, qarjınıñ bölinwine qaray sonıñ on üşin tañdap aldıq. Bul iste eskeretin bir mäsele bar. Ötken bes jılda abattandırılğan awlalardı bul jobağa qoswğa bolmaydı. 2019 jılı biz munı eskermedik. Osı jılı esepke aldıq. Biraq kelesi kezeñde «Byudjetke qatısw» jobası ayasında awlalardı abattandırwmen şektelmew kerek dep esepteymin. Endigi jılı halıqtıñ tilegimen joldardı ortaşa jöndewge, ayaldamalardı, bağdarşamdarı ornatwğa köşwimiz kerek dep esepteymin. İsti awdandardıñ äkimdikterine ğana jüktemey, buğan qala basqarmaları da atsalıswı qajet, – dedi E.Egemberdi.
Qalalıq qoğamdıq keñes törağası Sansızbay Esilov jobalardı jüzege asırwda aşıqtıqtı qamtamasız etw kerektigine nazar awdardı. Onıñ pikirinşe, merdigerlermen tikeley qarım-qatınastı da meylinşe azaytw kerek. Ol bul bağıtta cïfrlandırw jüyesin qoldanwğa boladı dep esepteydi. Ärïne, är isti basınan ayağına deyin baqılawğa turğındar tartılwı qajet.
Ötken jılı Sarıarqa awdanında «Sïtï menedjer» jobası da iske asırıldı. Bul jobanı onıñ jetekşisi Maksïm Nïkolayçwk tanıstırdı. Onıñ aytwınşa, joba äkimdik pen qarapayım halıq arasında köpir ornatwğa negizdelgen.
– Jobanı bastağanda turğındar tilekterin, usınıstarın jïnaqtap, awdan äkimdigine jetkizdik. Sonday-aq, halıq arasında tüsindirw jumıstarın jürgizdik. Mäselen, köp adam «Aşıq äkimdik» platforması barınan habarsız boldı. Sonday adamdarğa bul alañ arqılı da äkimdikpen qarım-qatınas jürgizwge bolatının ayttıq. YAğnï belgili bir mäseleni şeşw üşin tanıstardı salwdıñ, aqşa berwdiñ qajetsizdigin tüsindirdik. «Byudjetke qatısw» jobasınıñ jüzege asırılwına da atsalıstıq. Munı baqılawda ustadıq. Ras, turğındar bul jobanıñ jüzege asatınına bastapqıda senbedi. Keyin bos söz emes ekendigine közderi jetti, – dedi M.Nïkolayçwk.
Qalalıq qoğamdıq keñes «Byudjetke qatısw» jobasınıñ jüzege asırılwına monïtorïng jürgizgen. Sonıñ qorıtındılarımen keñes müşesi Altınay Nürkeeva tanıstırdı. Onıñ mälimetinşe, älemde byudjettiñ aşıqtığın eseptew ïndeksi bar. Ol är eki jıl sayın esepteledi. Bul körsetkiş boyınşa Qazaqstan keyingi eseptew­ge säykes 58 upay alğan. Eki jıl burın elimizde atalğan ïndekste 53 upay bolğan edi.
– Biz «Byudjetke qatısw» jobası qalay jüzege asırılıp jatqanın bilw üşin awdandardıñ äkimdikterine suranıs hat jiberdik. Almatı awdanında 14 jobadan bïıl 2 joba ğana iske asırılıp jatır. Qarjılandırw jağınan eş jerde aqparat jarïyalanbağan. Bayqoñır awdanında da osınday jağday. Esil awdanında 8 joba qolğa alınğan. Tïisti aqparat äkimdik saytında jarïyalanğan. Biraq onı tabw qïın. Ötinişterdi qabıldaw merzimi 24 säwir-1 mamır dep körsetilgen. YAğnï öte az waqıt berilgen. Sarıarqa awdanı 13 jobanı jüzege asırwğa 200 mïllïon teñge bölingenin körsetti. Äkimdik saytında bul twralı jan-jaqtı aqparat ornalastırılğan. Biraq «Byudjetke qatısw» jobası boyınşa qala turğındarı bilwi tïis aqparattıñ äli de azdığı bayqaladı, – dedi A.Nürkeeva.
Qoğamdıq keñes müşesi ­Marat Mustafïn şetki aymaqtardı abattandırwğa nazar awdardı. Bul iste «Jastar» şağın awdanın körkeytw isin mısal retinde keltirdi. Onıñ aytwınşa, osı mañaydıñ turğındarı öte belsendi. Soñğı jıldarı şağın awdanda atqarılğan jumıstardıñ arqasında awmaq tanımastay bolıp özgerdi.

Pikir jazw

Poçtañız jarïyalanbaydı

10 − four =