«Byudjetke qatısw» jobasına ötinişterdi qabıldaw bastaldı

0 39

Sarıarqa awdanında bıltır tabıstı jürgen «Byudjetke qatısw» jobası bïıl da jalğasadı. Osı aptada jobağa ötinişterdi qabıldaw bastaldı. Beysenbi küni «Jastar» teatrında ötken halıqqa esep berw kezdeswinde awdan äkimi Erğalï Egemberdi osını jetkizip, turğındardı öz awlaların abattandırwğa belsendi qatıswğa şaqırdı. Bul kezdeswge qala äkiminiñ orınbasarı Baqtïyar Mäken qatıstı. Keşe awdan basşısı №65 orta mektepte esep berdi.– Ötken jılı «Byudjetke qatısw» qanatqaqtı jobası arqılı byudjetten bölingen 100 mïllïon teñgeni qanday jumıstarğa bağıttawdı turğındar dawıs berw jolımen özderi şeşti. Qorıtındısında 14 joba jüzege asırıldı. Sonıñ işinde jeti awla abattandırıldı, bir awla klwbı aşılıp, awlalardı kögaldandırw, asfal'ttaw jumıstarı jürgizildi, – degen E.Egemberdi bıltır awdanda jüzege asırılğan «Sïtï menedjer» jobasına da toqtaldı.
Bul jobağa awdannıñ belsendi turğındarı qatısıp, awdandağı özekti mäselelerdiñ şeşilwine atsalıstı. Atap aytqanda, bes sïtï-menedjer özderi turatın awmaqtardağı turğındardı twındağan problemalardı jedel şeşwge tarttı.
Jalpı, Sarıarqa awdanı awmağında 540 awla ornalasqan. Bıltır 40 awla abattandırıldı. Sonıñ 18-i qalanıñ eski böliginde, 11-i jaña awdandarda, tağı 11-i turğın alaptarda boldı. Qazirgi kezde 119 awla nemese olardıñ 22,5 payızı jöndewdi qajet etedi. Bïıl 40 awlanı abattandırw josparlanıp otır. Buğan 600 mln teñge qarastırılğan.
Turğın üy-kommwnaldıq şarwaşılıq salasın damıtw jumıstarına toqtalğan awdan basşısı awdanda qazir 949 köppäterli üy jäne 12 mıñday jeke üy barın, olarğa 156 uyım qızmet körsetetinin atap ötti. Ötken jıldıñ jeltoqsan ayında S.Seyfwllïn 14/1 jäne 16, Qartalı 3 jäne Ï.Qutpanov 33 mekenjaylarındağı eski, apattı üyler turğındarın Ş.Wälïhanov köşesindegi jaña turğın üy keşenine köşirw bastaldı. Qazirgi kezde S.Seyfwllïn 16 mekenjayı turğındarı tolıq köşip bolıp, bul üydi sürw jumıstarı bastaldı. Bïıl Besşatır 8, I.Altınsarïn 5/2, 5/3, 5/4 üylerin sürw josparlanıp otır. Qazir 2023-2017 jıldarğa arnalğan sürw jumıstarı üşinşi kezeñiniñ tizimi äzirlenip jatır.
Turğındar äkimge joldar qurılısı, qar tazalaw, trotwarlar salw, PÏK jumıstarı twralı suraqtardı qoydı. Awdan basşısı olarğa däyekti jawap berdi. Düysenbi küni M.Ötemisov atındağı Oqwşılar sarayında awdan äkiminiñ qorıtındı esep berwi ötedi.

Pikir jazw

Poçtañız jarïyalanbaydı

2 × 2 =