«بيۋدجەتكە قاتىسۋ» جوباسىنا وتىنىشتەردى قابىلداۋ باستالدى

0 39

سارىارقا اۋدانىندا بىلتىر تابىستى جۇرگەن «بيۋدجەتكە قاتىسۋ» جوباسى بيىل دا جالعاسادى. وسى اپتادا جوباعا وتىنىشتەردى قابىلداۋ باستالدى. بەيسەنبى كۇنى «جاستار» تەاترىندا وتكەن حالىققا ەسەپ بەرۋ كەزدەسۋىندە اۋدان اكىمى ەرعالي ەگەمبەردى وسىنى جەتكىزىپ، تۇرعىنداردى ءوز اۋلالارىن اباتتاندىرۋعا بەلسەندى قاتىسۋعا شاقىردى. بۇل كەزدەسۋگە قالا اكىمىنىڭ ورىنباسارى باقتيار ماكەن قاتىستى. كەشە اۋدان باسشىسى №65 ورتا مەكتەپتە ەسەپ بەردى.– وتكەن جىلى «بيۋدجەتكە قاتىسۋ» قاناتقاقتى جوباسى ارقىلى بيۋدجەتتەن بولىنگەن 100 ميلليون تەڭگەنى قانداي جۇمىستارعا باعىتتاۋدى تۇرعىندار داۋىس بەرۋ جولىمەن وزدەرى شەشتى. قورىتىندىسىندا 14 جوبا جۇزەگە اسىرىلدى. سونىڭ ىشىندە جەتى اۋلا اباتتاندىرىلدى، ءبىر اۋلا كلۋبى اشىلىپ، اۋلالاردى كوگالداندىرۋ، اسفالتتاۋ جۇمىستارى جۇرگىزىلدى، – دەگەن ە.ەگەمبەردى بىلتىر اۋداندا جۇزەگە اسىرىلعان «سيتي مەنەدجەر» جوباسىنا دا توقتالدى.
بۇل جوباعا اۋداننىڭ بەلسەندى تۇرعىندارى قاتىسىپ، اۋدانداعى وزەكتى ماسەلەلەردىڭ شەشىلۋىنە اتسالىستى. اتاپ ايتقاندا، بەس سيتي-مەنەدجەر وزدەرى تۇراتىن اۋماقتارداعى تۇرعىنداردى تۋىنداعان پروبلەمالاردى جەدەل شەشۋگە تارتتى.
جالپى، سارىارقا اۋدانى اۋماعىندا 540 اۋلا ورنالاسقان. بىلتىر 40 اۋلا اباتتاندىرىلدى. سونىڭ 18-ءى قالانىڭ ەسكى بولىگىندە، 11-ءى جاڭا اۋدانداردا، تاعى 11-ءى تۇرعىن الاپتاردا بولدى. قازىرگى كەزدە 119 اۋلا نەمەسە ولاردىڭ 22,5 پايىزى جوندەۋدى قاجەت ەتەدى. بيىل 40 اۋلانى اباتتاندىرۋ جوسپارلانىپ وتىر. بۇعان 600 ملن تەڭگە قاراستىرىلعان.
تۇرعىن ءۇي-كوممۋنالدىق شارۋاشىلىق سالاسىن دامىتۋ جۇمىستارىنا توقتالعان اۋدان باسشىسى اۋداندا قازىر 949 كوپپاتەرلى ءۇي جانە 12 مىڭداي جەكە ءۇي بارىن، ولارعا 156 ۇيىم قىزمەت كورسەتەتىنىن اتاپ ءوتتى. وتكەن جىلدىڭ جەلتوقسان ايىندا س.سەيفۋللين 14/1 جانە 16, قارتالى 3 جانە ي.قۇتپانوۆ 33 مەكەنجايلارىنداعى ەسكى، اپاتتى ۇيلەر تۇرعىندارىن ش.ءۋاليحانوۆ كوشەسىندەگى جاڭا تۇرعىن ءۇي كەشەنىنە كوشىرۋ باستالدى. قازىرگى كەزدە س.سەيفۋللين 16 مەكەنجايى تۇرعىندارى تولىق كوشىپ بولىپ، بۇل ءۇيدى ءسۇرۋ جۇمىستارى باستالدى. بيىل بەسشاتىر 8, ى.التىنسارين 5/2, 5/3, 5/4 ۇيلەرىن ءسۇرۋ جوسپارلانىپ وتىر. قازىر 2023-2017 جىلدارعا ارنالعان ءسۇرۋ جۇمىستارى ءۇشىنشى كەزەڭىنىڭ ءتىزىمى ازىرلەنىپ جاتىر.
تۇرعىندار اكىمگە جولدار قۇرىلىسى، قار تازالاۋ، تروتۋارلار سالۋ، پيك جۇمىستارى تۋرالى سۇراقتاردى قويدى. اۋدان باسشىسى ولارعا دايەكتى جاۋاپ بەردى. دۇيسەنبى كۇنى م.وتەمىسوۆ اتىنداعى وقۋشىلار سارايىندا اۋدان اكىمىنىڭ قورىتىندى ەسەپ بەرۋى وتەدى.

پىكىر جازۋ

پوچتاڭىز جاريالانبايدى

16 + 7 =