Bolaşaqtıñ mektebi

Alem School qalay jumıs isteydi?

0 112

Muğalimsiz. Därissiz. Bağalawsız. Jwırda elordada osınday prïncïppen jumıs isteytin bağdarlamalaw mektebi aşıldı. Astana Hub bazasında ornalasqan Alem School-dıñ özgelerden bir erekşeligi, ol tegin äri täwligine 24 sağat boyı qoljetimdi. Jıl soñına deyin onda 200 stwdent oqıp şığadı dep josparlanwda.Wkraïnalıq mekteptiñ modeli paydalanıldı

Jaña mekteptiñ dïrektorı – Iowa State University tülegi, 29 jas­tağı Dagar Davletov. «2014 jılı se­riktes­te­rimizben birlesip qazaq­standıq IT-bilim sala­sındağı alğaşqı joba – Method bağdarlamalaw mektebin aştıq. Onda biz ärtürli awdïtorïyağa arnalğan ärtürli bağıt bo­yınşa ärtürli kwrstardı sınamadan ötkizdik. Son­day eksperïmentte­rimizdiñ biri Method.pro tağılımdaması edi, munda stwdentter naqtılı kompanïyalardıñ problemaların şeşwmen aynalıstı. Aytpaqşı, Alem School komandasınıñ tügeli derlik – Method.pro tülekteri. 2017 jılı biz Kïevtegi Unit Factory jobasımen tanıswğa bardıq. Ol – peer-learning formatında jumıs is­­teytin wkraïnalıq mek­­tep. Onda muğalim de bolmaydı, bağa da qo­yıl­maydı, däris te ötki­zil­meydi. Esesine oqw talanttı jastardıñ bir-­­birine kömekteswi arqılı jüzege asadı. Osı sapardan soñ munday mekteptiñ Qazaq­stanğa da qajet ekenin tüsindik. Däl sol waqıtta Astana Hub qurılıp jatqan-dı, biz ekewara seriktestikten jaqsı bolaşaq kördik: mektep tek IT-kompanïyalarda ğana ju­mıs isteytin emes, sonday-aq öz jobaların da äzirley alatın mamandardı dayarlaydı ğoy. Demek, Astana Hub rezïdentteri Alem School tülekterin jumısqa ala aladı. Alem School osılayşa ömirge keldi» deydi ol.

Oqw jüyesi oyın türinde qurıladı

Mekteptegi bilim berw prïncïpterin Dagar tolığıraq bılayşa tüsindiredi:
– Mısalı, peer-to-peer ädisin alayıq. Ağılşın tilinen awdarğanda «peer» sözi «öziñmen teñdes» de­gendi bildiredi. Ömirdegi sekildi, bağdarlamalaw­dağı mäselelerdi de şe­şw­­diñ ärqaşan birneşe nusqası boladı. Men onı özimniñ bilim deñgeyime say jolmen, al siz basqaşa jolmen şeşwiñiz mümkin. Eki şeşim de durıs, biraq ärtürli. Mäseleni şeşip bolğan soñ biz onı talqılaymız, siz älgi problemanı – meniñ közimmen, al men sizdiñ kö­zi­ñiz­­­ben köre bastaymın. Osı­layşa ärbir tapsırmanı siz basqa eki jüz stwdenttiñ közimen körwdi üyrenip, logïkasın tüsinip, nelikten sizdiñ şeşimiñiz eñ tïimdi ekenin däleldewge dağdılanasız.
Joğarıda atap ötkeni­mizdey, mektep 24/7 rejïminde jumıs isteydi. Stwdentterdiñ basına kez kelgen waqıtta, meyli uyıqtap jatıp bolsın, tapsırmanıñ şeşimi sap ete qalsa, ol derew vïrtwaldı jeke kabïnetine kirip, onı teksere aladı. Bul degenimiz – platforma arqılı adamdarmen kündelikti qarım-qatınas jasap, siz öziñizdiñ bağdarlamalaw maşığıñızdı ğana emes, kommwnïkacïya qurw, komandada jumıs istew, täwelsiz oylaw, taym-­menedjment, empatïya sekil­di qabiletteriñizdi de (bu­lar­dı soft skills dep ataydı) jetildire alasız.
Al eñ keremeti, barlıq tapsırmalar men baylanıs geymïfïkacïya qağïdasımen qurıladı. YAğnï jüyeniñ özi tutastay oyın sïyaqtı. Ondağı eki jüz stwdenttiñ ärqaysısınıñ öz profïli bar, olar bastap­qıda nöldik deñgeyde turadı. Är deñgey – kvest. Jaña deñgeydi ötw üşin oyınşı qabiletterin jetildirwi kerek. Jalpı, jüyede kez kelgen komp'yuterlik oyındağıday qanşalıqtı jıldamdıqpen damıp kele jatqanıñdı jäne bas­qa­lardıñ qanşalıqtı jıl­damdıqpen damıp kele jatqanın körip otırasıñ. Keyde köşirgeniñ nemese erejeni buzğanıñ üşin reytïngtegi upaylarıñnan ayırılıp qalwıñ da mümkin.

Jasandı ïntellekt basqaratın qoğamğa dayarlaydı

Alem School komandası qazirgi narıqtıñ suranısın da jaqsılap zerttegen eken. Onı biz Dagardıñ mına sözinen añğardıq:
– Sapalı bağdarlamaşı­larğa tek Qazaqstan ğana emes, bükil älem zärw. Korn Ferry kompanïyasınıñ mä­li­metinşe, qazirgi tañda tehnologïya salasında 4,3 mïllïonday maman tapşı. Älemdik trendterdi eskersek, aldağı 10-15 jılda bilikti bağdarlamaşılarğa degen suranıs odan äri öse tüsedi. Qazirgi ömirimizge qarañızşı: biz dawıstıq assïstenttiñ kömegimen qo­yılğan oyatqışqa oyanamız, jumısqa jetw üşin taksïdi telefon qosımşası arqılı şaqıramız, kofeni de telefonmen tö­leymiz, tamaqqa onlayn-­qızmetter arqılı tapsırıs beremiz, qarjımızdı onlayn-bankïng arqılı bas­qaramız. Mısal köp. Alem mektebi erekşelikteriniñ biri – stwdentterdi jasandı ïntellekt basqaratın qoğamda jumıs is­tewge dayarlaw. Jasandı ïntellektpen qoyan-qoltıq aralasıp jumıs istew üşin ne kerek? Bizdiñşe, keregi – krïtïkalıq oylaw, bağanağı aytılğan soft skills jäne algorïtmdik oylaw jüyesin tüsinw. Muğalimder men däristerdiñ joqtığı, oqw bağdarlaması barısındağı kürdeli äri taptawrın emes mäseleler stwdentterdi krïtïkalıq oylawğa jäne problemadan şığwdıñ ayrıqşa, kreatïvti joldarın tabwğa ïtermeleydi. Osı maşıqtardıñ bizdi jasandı ïntellekterden erekşeleytinine senemiz. Bulardı avtomatïzacïyalaw mümkin emes.

Bolaşaq bağdarlamaşılar «basseynde» şınığadı

Bir qızığı, mektepke tüskisi keletinder üşin tek jas boyınşa ğana (18-35 jas) şektew bar, yağnï ümitkerlerdiñ buğan deyin bağdarlamaw salasında qanday da bir bilimi bolwı mindetti emes. Oqwğa tüsw procesi 3 kezeñnen turadı. Birinşisinde, yağnï eki sağattıq onlayn-testilew kezinde talapkerdiñ este saqtaw qabileti men logïkası tekseriledi. Budan sürinbey ötkenderi ïn­terv'yuge şaqırıladı. Onda mekteptiñ talaptarımen tanıs­tıradı, ümitkerdiñ bağdarlamalawdağı täjirïbesi bar-joğı suraladı, oqwdıñ formatı tüsindiriledi. Suhbat barısında talapker aptasına 40-60 sağat boyı waqıtın arnawğa dayın ne dayın emes ekenin özi şeşwi tïis. Soñğı kezeñ – «basseyn». Nelikten bulay ataladı deysiz be?
– «Basseyn» degenimiz – tört aptalıq emtïhan. Ol nebir qïın tapsırmalardan, qatañ dedlayndardan, mıñdağan joldıq kodtardan turadı. Basseyn dep atalwınıñ sebebi – onıñ betine qalqıp şığw kerek. Qurğaq küyi odan eşkim şıqpağan. Bul emtïhannıñ kürdeliligi sonşa, keyde tipti jatın bölmege barwğa waqıt joğaltpas üşin stwdentke komp'yuterdiñ janında otırıp uyıqtawğa twra keledi. Basseyn quddı bir maydan tärizdi: säl köz şırımıñdı alasıñ da, qaytadan urısqa attanasıñ, – deydi Dagar.
Al «Eger testilew jäne ïnterv'yu barısında bağ­darlamalaw boyınşa bili­miñ talap etilmeytin bolsa, onda basseyn kezeñinde qalay bağdarlamalaydı?» degen suraqqa ol «Sizde komp'yuter, ïnternetke lïmïtsiz qoljetimdilik jäne onı qalay jasaw qajettigin suray alatın 199 adam bar» dep jawap berdi.

Pikir jazw

Poçtañız jarïyalanbaydı

16 + 8 =