بولاشاقتىڭ مەكتەبى

Alem School قالاي جۇمىس ىستەيدى؟

0 112

مۇعالىمسىز. ءدارىسسىز. باعالاۋسىز. جۋىردا ەلوردادا وسىنداي پرينتسيپپەن جۇمىس ىستەيتىن باعدارلامالاۋ مەكتەبى اشىلدى. Astana Hub بازاسىندا ورنالاسقان Alem School-دىڭ وزگەلەردەن ءبىر ەرەكشەلىگى، ول تەگىن ءارى تاۋلىگىنە 24 ساعات بويى قولجەتىمدى. جىل سوڭىنا دەيىن وندا 200 ستۋدەنت وقىپ شىعادى دەپ جوسپارلانۋدا.ۋكراينالىق مەكتەپتىڭ مودەلى پايدالانىلدى

جاڭا مەكتەپتىڭ ديرەكتورى – Iowa State University تۇلەگى، 29 جاس­تاعى داگار داۆلەتوۆ. «2014 جىلى سە­رىكتەس­تە­رىمىزبەن بىرلەسىپ قازاق­ستاندىق IT-ءبىلىم سالا­سىنداعى العاشقى جوبا – Method باعدارلامالاۋ مەكتەبىن اشتىق. وندا ءبىز ءارتۇرلى اۋديتورياعا ارنالعان ءارتۇرلى باعىت بو­يىنشا ءارتۇرلى كۋرستاردى سىنامادان وتكىزدىك. سون­داي ەكسپەريمەنتتە­رىمىزدىڭ ءبىرى Method.pro تاعىلىمداماسى ەدى، مۇندا ستۋدەنتتەر ناقتىلى كومپانيالاردىڭ پروبلەمالارىن شەشۋمەن اينالىستى. ايتپاقشى، Alem School كومانداسىنىڭ تۇگەلى دەرلىك – Method.pro تۇلەكتەرى. 2017 جىلى ءبىز كيەۆتەگى Unit Factory جوباسىمەن تانىسۋعا باردىق. ول – peer-learning فورماتىندا جۇمىس ءىس­­تەيتىن ۋكراينالىق مەك­­تەپ. وندا مۇعالىم دە بولمايدى، باعا دا قو­يىل­مايدى، ءدارىس تە وتكى­زىل­مەيدى. ەسەسىنە وقۋ تالانتتى جاستاردىڭ ءبىر-­­بىرىنە كومەكتەسۋى ارقىلى جۇزەگە اسادى. وسى ساپاردان سوڭ مۇنداي مەكتەپتىڭ قازاق­ستانعا دا قاجەت ەكەنىن تۇسىندىك. ءدال سول ۋاقىتتا Astana Hub قۇرىلىپ جاتقان-دى، ءبىز ەكەۋارا سەرىكتەستىكتەن جاقسى بولاشاق كوردىك: مەكتەپ تەك IT-كومپانيالاردا عانا جۇ­مىس ىستەيتىن ەمەس، سونداي-اق ءوز جوبالارىن دا ازىرلەي الاتىن مامانداردى دايارلايدى عوي. دەمەك، Astana Hub رەزيدەنتتەرى Alem School تۇلەكتەرىن جۇمىسقا الا الادى. Alem School وسىلايشا ومىرگە كەلدى» دەيدى ول.

وقۋ جۇيەسى ويىن تۇرىندە قۇرىلادى

مەكتەپتەگى ءبىلىم بەرۋ پرينتسيپتەرىن داگار تولىعىراق بىلايشا تۇسىندىرەدى:
– مىسالى، peer-to-peer ءادىسىن الايىق. اعىلشىن تىلىنەن اۋدارعاندا «peer» ءسوزى «وزىڭمەن تەڭدەس» دە­گەندى بىلدىرەدى. ومىردەگى سەكىلدى، باعدارلامالاۋ­داعى ماسەلەلەردى دە شە­شۋ­­دىڭ ارقاشان بىرنەشە نۇسقاسى بولادى. مەن ونى ءوزىمنىڭ ءبىلىم دەڭگەيىمە ساي جولمەن، ال ءسىز باسقاشا جولمەن شەشۋىڭىز مۇمكىن. ەكى شەشىم دە دۇرىس، بىراق ءارتۇرلى. ماسەلەنى شەشىپ بولعان سوڭ ءبىز ونى تالقىلايمىز، ءسىز الگى پروبلەمانى – مەنىڭ كوزىممەن، ال مەن ءسىزدىڭ كو­زى­ڭىز­­­بەن كورە باستايمىن. وسى­لايشا ءاربىر تاپسىرمانى ءسىز باسقا ەكى ءجۇز ستۋدەنتتىڭ كوزىمەن كورۋدى ۇيرەنىپ، لوگيكاسىن ءتۇسىنىپ، نەلىكتەن ءسىزدىڭ شەشىمىڭىز ەڭ ءتيىمدى ەكەنىن دالەلدەۋگە داعدىلاناسىز.
جوعارىدا اتاپ وتكەنى­مىزدەي، مەكتەپ 24/7 رەجيمىندە جۇمىس ىستەيدى. ستۋدەنتتەردىڭ باسىنا كەز كەلگەن ۋاقىتتا، مەيلى ۇيىقتاپ جاتىپ بولسىن، تاپسىرمانىڭ شەشىمى ساپ ەتە قالسا، ول دەرەۋ ۆيرتۋالدى جەكە كابينەتىنە كىرىپ، ونى تەكسەرە الادى. بۇل دەگەنىمىز – پلاتفورما ارقىلى ادامدارمەن كۇندەلىكتى قارىم-قاتىناس جاساپ، ءسىز ءوزىڭىزدىڭ باعدارلامالاۋ ماشىعىڭىزدى عانا ەمەس، كوممۋنيكاتسيا قۇرۋ، كوماندادا جۇمىس ىستەۋ، تاۋەلسىز ويلاۋ، تايم-­مەنەدجمەنت، ەمپاتيا سەكىل­دى قابىلەتتەرىڭىزدى دە (بۇ­لار­دى soft skills دەپ اتايدى) جەتىلدىرە الاسىز.
ال ەڭ كەرەمەتى، بارلىق تاپسىرمالار مەن بايلانىس گەيميفيكاتسيا قاعيداسىمەن قۇرىلادى. ياعني جۇيەنىڭ ءوزى تۇتاستاي ويىن سياقتى. ونداعى ەكى ءجۇز ستۋدەنتتىڭ ارقايسىسىنىڭ ءوز ءپروفيلى بار، ولار باستاپ­قىدا نولدىك دەڭگەيدە تۇرادى. ءار دەڭگەي – كۆەست. جاڭا دەڭگەيدى ءوتۋ ءۇشىن ويىنشى قابىلەتتەرىن جەتىلدىرۋى كەرەك. جالپى، جۇيەدە كەز كەلگەن كومپيۋتەرلىك ويىنداعىداي قانشالىقتى جىلدامدىقپەن دامىپ كەلە جاتقانىڭدى جانە باس­قا­لاردىڭ قانشالىقتى جىل­دامدىقپەن دامىپ كەلە جاتقانىن كورىپ وتىراسىڭ. كەيدە كوشىرگەنىڭ نەمەسە ەرەجەنى بۇزعانىڭ ءۇشىن رەيتينگتەگى ۇپايلارىڭنان ايىرىلىپ قالۋىڭ دا مۇمكىن.

جاساندى ينتەللەكت باسقاراتىن قوعامعا دايارلايدى

Alem School كومانداسى قازىرگى نارىقتىڭ سۇرانىسىن دا جاقسىلاپ زەرتتەگەن ەكەن. ونى ءبىز داگاردىڭ مىنا سوزىنەن اڭعاردىق:
– ساپالى باعدارلاماشى­لارعا تەك قازاقستان عانا ەمەس، بۇكىل الەم ءزارۋ. Korn Ferry كومپانياسىنىڭ ءما­لى­مەتىنشە، قازىرگى تاڭدا تەحنولوگيا سالاسىندا 4,3 ميلليونداي مامان تاپشى. الەمدىك ترەندتەردى ەسكەرسەك، الداعى 10-15 جىلدا بىلىكتى باعدارلاماشىلارعا دەگەن سۇرانىس ودان ءارى وسە تۇسەدى. قازىرگى ومىرىمىزگە قاراڭىزشى: ءبىز داۋىستىق اسسيستەنتتىڭ كومەگىمەن قو­يىلعان وياتقىشقا ويانامىز، جۇمىسقا جەتۋ ءۇشىن تاكسيدى تەلەفون قوسىمشاسى ارقىلى شاقىرامىز، كوفەنى دە تەلەفونمەن ءتو­لەيمىز، تاماققا ونلاين-­قىزمەتتەر ارقىلى تاپسىرىس بەرەمىز، قارجىمىزدى ونلاين-بانكينگ ارقىلى باس­قارامىز. مىسال كوپ. Alem مەكتەبى ەرەكشەلىكتەرىنىڭ ءبىرى – ستۋدەنتتەردى جاساندى ينتەللەكت باسقاراتىن قوعامدا جۇمىس ءىس­تەۋگە دايارلاۋ. جاساندى ينتەللەكتپەن قويان-قولتىق ارالاسىپ جۇمىس ىستەۋ ءۇشىن نە كەرەك؟ بىزدىڭشە، كەرەگى – كريتيكالىق ويلاۋ، باعاناعى ايتىلعان soft skills جانە الگوريتمدىك ويلاۋ جۇيەسىن ءتۇسىنۋ. مۇعالىمدەر مەن دارىستەردىڭ جوقتىعى، وقۋ باعدارلاماسى بارىسىنداعى كۇردەلى ءارى تاپتاۋرىن ەمەس ماسەلەلەر ستۋدەنتتەردى كريتيكالىق ويلاۋعا جانە پروبلەمادان شىعۋدىڭ ايرىقشا، كرەاتيۆتى جولدارىن تابۋعا يتەرمەلەيدى. وسى ماشىقتاردىڭ ءبىزدى جاساندى ينتەللەكتەردەن ەرەكشەلەيتىنىنە سەنەمىز. بۇلاردى اۆتوماتيزاتسيالاۋ مۇمكىن ەمەس.

بولاشاق باعدارلاماشىلار «باسسەيندە» شىنىعادى

ءبىر قىزىعى، مەكتەپكە تۇسكىسى كەلەتىندەر ءۇشىن تەك جاس بويىنشا عانا (18-35 جاس) شەكتەۋ بار، ياعني ۇمىتكەرلەردىڭ بۇعان دەيىن باعدارلاماۋ سالاسىندا قانداي دا ءبىر ءبىلىمى بولۋى مىندەتتى ەمەس. وقۋعا ءتۇسۋ پروتسەسى 3 كەزەڭنەن تۇرادى. بىرىنشىسىندە، ياعني ەكى ساعاتتىق ونلاين-تەستىلەۋ كەزىندە تالاپكەردىڭ ەستە ساقتاۋ قابىلەتى مەن لوگيكاسى تەكسەرىلەدى. بۇدان سۇرىنبەي وتكەندەرى ين­تەرۆيۋگە شاقىرىلادى. وندا مەكتەپتىڭ تالاپتارىمەن تانىس­تىرادى، ۇمىتكەردىڭ باعدارلامالاۋداعى تاجىريبەسى بار-جوعى سۇرالادى، وقۋدىڭ فورماتى تۇسىندىرىلەدى. سۇحبات بارىسىندا تالاپكەر اپتاسىنا 40-60 ساعات بويى ۋاقىتىن ارناۋعا دايىن نە دايىن ەمەس ەكەنىن ءوزى شەشۋى ءتيىس. سوڭعى كەزەڭ – «باسسەين». نەلىكتەن بۇلاي اتالادى دەيسىز بە؟
– «باسسەين» دەگەنىمىز – ءتورت اپتالىق ەمتيحان. ول نەبىر قيىن تاپسىرمالاردان، قاتاڭ دەدلاينداردان، مىڭداعان جولدىق كودتاردان تۇرادى. باسسەين دەپ اتالۋىنىڭ سەبەبى – ونىڭ بەتىنە قالقىپ شىعۋ كەرەك. قۇرعاق كۇيى ودان ەشكىم شىقپاعان. بۇل ەمتيحاننىڭ كۇردەلىلىگى سونشا، كەيدە ءتىپتى جاتىن بولمەگە بارۋعا ۋاقىت جوعالتپاس ءۇشىن ستۋدەنتكە كومپيۋتەردىڭ جانىندا وتىرىپ ۇيىقتاۋعا تۋرا كەلەدى. باسسەين قۇددى ءبىر مايدان ءتارىزدى: ءسال كوز شىرىمىڭدى الاسىڭ دا، قايتادان ۇرىسقا اتتاناسىڭ، – دەيدى داگار.
ال «ەگەر تەستىلەۋ جانە ينتەرۆيۋ بارىسىندا باع­دارلامالاۋ بويىنشا ءبىلى­مىڭ تالاپ ەتىلمەيتىن بولسا، وندا باسسەين كەزەڭىندە قالاي باعدارلامالايدى؟» دەگەن سۇراققا ول «سىزدە كومپيۋتەر، ينتەرنەتكە ءليميتسىز قولجەتىمدىلىك جانە ونى قالاي جاساۋ قاجەتتىگىن سۇراي الاتىن 199 ادام بار» دەپ جاۋاپ بەردى.

پىكىر جازۋ

پوچتاڭىز جاريالانبايدى

one × 1 =