ءبىزدىڭ ماقتانىشىمىز – «بوموند»

0 129

n

استانا قالاسىنىڭ وقۋشىلار سارايىندا 10-11 مامىر كۇندەرى سپورتتىق-بالدىق بي ورىنداۋشىلارىنىڭ بۇكىلالەمدىك «Silkway-2014» فەستيۆالى جانە الەم كۋبوگى ءوتتى.

وعان «نۇر وتان» پارتياسى، استانا قالاسى اكىمدىگى، سپورتتىق بيلەر فەدەرا­تسياسىنىڭ بۇكىلالەمدىك اسسوتسياتسياسى، قازاقستانداعى بي كەڭەسى جانە سپورتتىق بيلەردى دامىتۋدىڭ ۇلتتىق وداعى قولداۋ كورسەتتى.

فەستيۆالدا ەلىمىزدىڭ بىرقاتار قالا­لارىنان بولەك، قىتاي، وڭتۇستىك كورەيا، يزرايل، گرەكيا، پولشا، سەربيا، رەسەي، ۋكراينا، بەلورۋسسيا، قىرعىزستان ەلدەرىنىڭ دە بي جۇپتارى ونەر كورسەتتى. ارالارىندا حالىقارالىق دەڭگەيدەگى سپورت شەبەرلەرى بولدى. ال سايىستى حالىقارالىق WDC ليتسەنزياسى بار تورەشىلەر باعالادى.

لاتىنامەريكاندىق جانە ەۋروپالىق بيلەر قامتىلعان فەستيۆال قورىتىندىسىندا 568 جۇپتىڭ 8-ءى التىننان القا تاقتى. جاس مولشەرىنە قاراي «Eurasia Open» كاتەگورياسى بويىنشا كارتال سەردار – ايالى ايمان، مۋسايفوۆ ماديار – ماتياشينا ەليزاۆەتا، كيملاچ اندرەي – اليموۆا ەلينا، ۆينوگرادوۆ ۆلاديسلاۆ – پالەريا تاتيانا جۇپتارى ۇزدىك دەپ تانىلسا، «IDSA CUP» جولىندا جاۋكين داني – كونوپكينا اننا، بايكەنوۆ اندرەي – كۋزنەتسوۆا ياروسلاۆا، مودرزينسكي پرەميسلاۆ – جۋراۆلەۆا ۆالەريا جۇپتارىنا تەڭ كەلەر ەشكىم بولمادى. ال بالدىق بي انسامبلدەرىنىڭ اراسىنان وقۋشىلار سارايىنىڭ «بوموند» توبى قارسىلاستارىنان وق بويى وزىق ەكەندەرىن دالەلدەپ، استانانىڭ مەرەيىن تاسىتتى.

نۇريسلام قۇسپانعالي

 

پىكىر جازۋ

پوچتاڭىز جاريالانبايدى

3 × two =