БІЗДІҢ КҮШІМІЗ – БІЛІМДЕ

Мемлекет басшысы осыдан екі жыл бұрын білім сапасының елдің қарқынды дамуынан қалыс­пауы мақсатында оқу орын­дарындағы білім беру қыз­ме­­тінің сапасын қадағалауды ұлттық деңгейде жүргізу үшін арнайы бақылау жүйесін құруды тап­сырған болатын.

Нәти­же­сін­де Үкімет қау­лы­сымен Білім және ғылым министрлігі Білім және ғылым саласындағы бақы­лау коми­те­ті­нің аймақтық депар­та­мент­тері 2011 жылдың аяғынан бері өз қызметтерін бастады. Алғашында бұл жаңа құрылым аймақтардағы орта­лық­сыз­дан­дыру саясатына қар­сы шара ретінде бағаланғаны жасырын емес, ал бүгінгі күнге дейін атқарылған жұмыстар нәти­же­сі аймақтардағы білім сапа­сы алшақтығын жою, оған бірың­ғай мемлекеттік талап орна­­­ту мәселесі уақыттың тала­бы­ екеніне көзімізді жеткізіп отыр. Білім басқармасы мен Бақы­лау департаменті арасында мін­дет­тер­ заңды бөлінген, олар бірін-бірі қайталамайды.

Бақылау жүйесінің құрылуы жүйелі кемшіліктерді анықтау мен оларды жою жолдарын із­дес­­тіру, барлық деңгейдегі білім мекемелерінде білім беру қыз­мет­те­рінің сапасына­ тұрақ­ты қадағалау орнату, оқушы­лар­мен және ата-аналармен бай­­ланысты қалыптастыру, орта­­лық­ты жүйелі түрде нақты, әрі объективті ақпаратпен қам­та­­масыз етіп отыру сияқты нәти­же­лерге қол жеткізді. Бұл жерде осыған дейін жергілікті атқа­ру­­шы­ ор­гандар тарапынан­ білім сапасын бақылау жұмы­сы­ жүргізілмеген бе деген­ ой­ тумауы керек. Олар өз­ дең­гей­лері мен құзыреті шегінде бұл жұмысты атқарып келді, алайда 2011 жыл­дың бірінші жар­ты­жыл­ды­ғын­да Білім басқармалары тарапынан жүргізілген тексеру шаралары­ мен осы жылдың екінші жар­ты­ жыл­ды­ғында аймақтық бақы­лау де­пар­таменттері тара­пы­нан жүр­гі­зілген тексеру шара­ла­ры­­ның қорытындысы бойынша бірден сандар алшақтығы орын алды. Бұл түсінікті де, кейбір объективті себептерге­ бай­ла­нысты жергілікті атқару­шы­ ор­ган­дардың өздері ұйымдас­ты­рып­ отырған іске өздерінің баға беруі жүз пайыздық нәтижемен аяқталуы заңды құбылыс еді. Ендігі жерде бізге маңыздысы – осы алшақтықты көзге шұқу емес, жергілікті органдармен білім сапасын арттыру жолында бірлескен шаралар атқару. Бұл тұрғыда оңды нәтижелер де жоқ емес, Астана қалалық Білім басқармасы басшылығы біздің тарапымыздан атқарыл­ған бақылау шаралары қорытын­ды­ла­рын түсіністікпен қабылдап, кемшіліктерді жою бойынша жүйелі істерге көшті, арамызда ортақ мәселе бойынша кері байланыс орнады.

Жалпы, Астана қаласындағы білім сапасының деңгейі оның елордалық дәрежесіне сай еке­н­ін айта кетуіміз керек. Бұл қала басшылығының білім саласына ерекше қамқорлық таны­туы­ның, сондай-ақ жекелеген білім ордалары басшылары мен­ ұстаз-­да­рының жүйелі, заман талабына сай, қажырлы еңбектерінің нәтижесі екені даусыз.

Қайрат ӘБДІБЕКОВ,
ҚР Білім және ғылым министрлігі Білім және ғылым саласындағы бақылау комитетінің Астана қаласының Білім саласындағы бақылау департаментінің директоры