بىرلىك ءتۇبى – تىرلىك

0 165

«استانا – تازا قالا!» اتتى جالپى­­قالالىق سەن­بىلىككە الماتى اۋدا­نىنىڭ تۇرعىن­دارى بەلسەنە اتسالىستى. بۇل اۋداندا 40 مىڭنان اسا جۇرت ەكى قول­عا ءبىر كۇرەك ۇستاپ، قالا تازالىعى ءۇشىن ەڭبەكتەندى.

saryarka

ەكولوگيالىق ايلىق اياسىندا ۇيىمداس­تىرىلعان سەنبىلىك كەزىندە الماتى اۋدانىندا 5 مىڭنان اس­تام اعاش ەگىلدى. اعاش وتىرعىزۋ ءۇشىن اۋداننان ارنايى جەتى ورىن بەلگىلەندى. ايماقتاردىڭ ىشىندە ەڭ كوپ كوشەت جاڭا ترياتلون پاركىنە وتىرعىزىلدى. بۇل ساياباقتا ەندى تاعى 2 مىڭ تال-تەرەك بوي تىكتەيتىن بولادى.
استانالىق كاسىپكەرلەر مەن ەۇۋ ستۋدەنتتەرى مۋزەي قىزمەت­كەرلەرىنە قوسىلىپ، ۇلتتىق مۋزەي اۋماعىنا 323 تال ەكتى. بۇل ىستەن قالا ماڭىنداعى تۇرعىندار دا قالىس قالماي، «جەلەزنودوروجنىي» تۇرعىن الابىنا 350 اعاش وتىرعىزدى. نەمەرەلەرىن ەرتىپ شىققان زەينەتكەرلەر بولسا، ابىلاي حان داڭعىلىنداعى جاسىل جەلەكتىڭ كوركەيۋىنە ۇلەس قوستى. سونداي-اق، تاشەنوۆ كوشەسىندەگى جاڭا گۇلباق تا نازاردان تىس قالمادى.
ەلوردالىق جۋرناليستەر دە ەڭبەكتەنىپ، «پرەزيدەنت» پاركى­نەن ارنايى بولىنگەن ايماققا 50 تال ەكتى.
– يگى داستۇرگە اينالعان سەنبىلىك­تىڭ ارقاسىندا اينالامىز ايناداي تازارىپ قانا قويماي، قانشاما اعاش وتىرعىزىلادى. ءبىزدىڭ اۋ­دان­­نىڭ وزىنەن شاراعا 42 مىڭ ادام قاتىسۋدا. بۇل ءبىر جاعىنان ءبىز­دىڭ ىنتىماعى جاراسقان ەل ەكەنىمىز­دى كورسەتەدى. تازالىققا نەمقۇرايلى قاراماي، سەنبىلىككە شىققان جۇرتتىڭ ءبارى قاجەتتى قۇرال-جابدىقتارمەن قامتاماسىز ەتىلدى. ءىس ءونىمدى بولۋ ءۇشىن 209 ارناۋلى تەحنيكا تارتىلدى، – دەدى الماتى اۋدانىنىڭ اكىمى ەرماعانبەت بولەكپاەۆ.
اۋدان اكىمىنىڭ ايتۋىنشا، ءبىر اپتا بۇرىن وتكەن كوممۋنالدىق سەنبىلىككە 9 مىڭنان اسا ادام قا­تى­سىپ، 154 تەحنيكا جۇمىل­دىرىلىپتى. ناتيجەسىندە 309,3 توننا قوقىس شىعارىلعان.
بۇل اۋداندا بيىل كوكتەمدە وتكەن سەنبىلىك كەزىندە 4 800 اعاش وتىرعىزىلدى. ال بىلتىر جالپى 7 265 اعاش ەگىلگەن.

ورىنبەك وتەمۇرات

پىكىر جازۋ

پوچتاڭىز جاريالانبايدى