BİREGEY JÄDİGERLER KÖRMESİ

0 113

rwsskaya jïvopïs'

Qazaqstan Respwblïkasınıñ Ulttıq mwzeyinde «Orıs keskindeme öneriniñ tört ğasırı» attı körme aşıldı.

Körmeni Resey Federacïyası men Qazaqstan Respwblïkası Mädenïet mïnïstrlikteriniñ qoldawımen «Halıqaralıq mädenï ortalıq» AKEU (Resey) jäne Qazaqstan halqınıñ rwhanï damw qorı uyımdastırdı.

Qazaqstanda birinşi ret jaña­şıl oyları arqılı Ewro­padağı da, Reseydegi de swret öneri twralı öz däwirindegi dästürli pikir­lerdi özgertip töñkeris jasağan reseylik swretşilerdiñ keñ kö­lemdi körmesi usınılıp otır.

Reseylik tört mwzey («ROSÏZO» Memlekettik mwzey-körme ortalığı, Tver' oblıstıq swret galereyası, Ïvanov oblıstıq körkemswret mwzeyi, Serpwhov tarïhï-körkemswret mwzeyi) swretşiler odağımen birlesip Qazaqstanda körsetw üşin arnayı jasaqtalğan biregey jädigerlerdiñ jïnağın usınıp otır. Körmege ulttıq körkem swret dästüriniñ tört jüz jıldıq tarïhı aşılatın elw avtordıñ toqsannan astam jumısı qoyılğan. Bul jerden orıs realïstik mektebi klassïkteriniñ jäne orıs avan­gardınıñ älemge tanımal has şeberleriniñ, socrealïzmniñ jetekşi şeberleriniñ jäne öz şığarmaşılıq joldarın izde­gen olardıñ zamandastarınıñ jumıstarın körwge boladı. Kenep betine tüsirilgen keskindeme öneriniñ barlıq negizgi janrları arqılı Ïmperïyalıq Resey, Keñestik Resey, Resey Federacïyası sındı Resey tarïhı oqıladı.

Körme 14 qırküyekke deyin jalğasadı.

Juma QAZÏEV

Pikir jazw

Poçtañız jarïyalanbaydı

sixteen + 9 =