БІЛІКТІЛІК КӨЗІ – БІЛІМДЕ

0 116

Елбасының «Қа­зақ­стан­-2050» Стратегия­сы:­ қа­лып­тас­қан­ мем­ле­кет­тің жаңа саяси ба­ғыты» ат­ты Жолдау­­ын­да ай­тыл­ғандай, ен­ді на­ғыз­ бәсекеге қа­бі­лет­ті да­мы­ған­ мем­лекет болу үшін біз­ сауаттылығы жо­ғары елге айналу­ымыз керек.

«Егер біз күшті болсақ, біз­бен­ санасатын болады. Егер біз­ таң­ғажайыпқа сенсек неме­се­ бас­­қаларға иек артсақ, қол жет­­кізген жетістіктерімізді жо­­ғалтып аламыз. Бүгін біз ең дұ­­рыс таңдау жасауға тиіспіз» де­­ді Мемлекет басшысы. Сон­дай-ақ, жастарға жаңа буын қазақстандықтарға сенім арта отырып, оларға жасампаздықтың қоз­ғаушы күшіне айналуға тиіс­ті­сіздер деген міндет қойды. Бұл ретте өскелең ұрпақ өкіл­дерінің терең білім алып, жан­-жақты дамыған азаматтар қа­­­та­рын­ толықтыруы жолында елі­­мізде барлық жағдай жасалуда. Әлемдік деңгейдегі уни­верситет, зияткерлік мектеп­тер­ ашылып, «Болашақ» бағ­дар­ламасы құрылды.

Біздің мектеп ұжымы да осы бағдарламаны қызу тал­қы­­лады. Әрбір ұстаз оның бо­лашағымызды бақытқа бас­тай­тынына сенім білдірді. Атап айт­сақ, мектебімізде Елбасы тапсырмалары негізінде білім сапасын жақсартуға ба­сым­дық­тар берумен бірге, жас­ ұр­пақтың танымдық дү­ние­сін­ байытып, зияткерлік да­муын қамтамасыз ету ба­ғы­тын­да көптеген жұмыстар жүргізілуде. Осы бағытта ұй­ымдастырылып жүрген та­ным­дық-зияткерлік сайыстар оқу­шылардың шығармашылық мүм­кіндіктерін жетілдіріп қана қоймайды, жас ұрпақтың бойы-на дүниеге ғылыми көз­қа­расын қалыптастырып, био­ло­гия пәніне танымдық қы­зы­ғу­ын дамытуға, туған жердің табиғат байлығын сүюге, оны қор­ғай білуге жол ашады.

«Мың бала» жобасы не­гі­зін­­де экология бағыты бойын­ша­ «Дәрілік өсімдіктердің құ­рамын анықтау және оның адам ағзасына әсері» та­қы­ры­бында оқушылар зерттеу жұ­мыстарын жүргізіп, басты бай­лық­ денсаулығымыз мықты болуы үшін батпандап кіріп, мыс­қылдап шығатын ауруды дә­рісіз-ақ, үй жағдайында ай­на­лада өсетін дәрілік өсім­дік­тер­мен-ақ емдеп жазуға бо­ла­ты­нын дәлелдеп шықты.

Расында да, балаларымыздың қа­зіргі заманға бейімделген бо­луы­­ үшін алдымен олардың сау­­­ат­тылығына зор көңіл бөл­уі­міз қа­жет. Бүгінгі таңда бұл бағытта мектебімізде игі шаралар өткізіліп келеді. Жалпы, біздің атқарып жатқан жұ­мыс­та­ры­мыз­дың­ бәрі сайып­ кел­генде жоғары білімді ұлт болуға тоқтаусыз ұмтылу тө­ңі­ре­гіне топтастырылған.

Айнұр ӘМІРОВА,
Астана қаласы №51 мектеп-гимназияның мұғалімі

Пікір жазу

Почтаңыз жарияланбайды

3 × 2 =