بيبىگۇلدىڭ بايقاۋى

0 31

ەلوردادا كسرو جانە قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى بيبىگۇل تولەگەنوۆا شىعارماشىلىعىنىڭ 70 جىلدىعىنا وراي XI حالىقارالىق ۆوكاليستەر بايقاۋى باستالدى. مادەنيەت جانە سپورت مينيسترلىگى، نۇر-سۇلتان قالاسىنىڭ اكىمدىگى جانە «ميراس» قوعامدىق ۇلتتىق مادەني قورى ۇيىمداستىرعان بايقاۋدىڭ اشىلۋىنا مادەنيەت جانە سپورت ءمينيسترى اقتوتى رايىمقۇلوۆا، ەلوردا اكىمىنىڭ ورىنباسارى اسحات ورالوۆ قاتىستى.

244458648_4249822425116709_5027976603973392724_n

اتالمىش بايقاۋ 2004 جىلدان بەرى ءداستۇرلى تۇردە وتكىزىلىپ كەلە جاتىر. جىل سايىن كونكۋرستىڭ اياسى كەڭەيىپ كەلەدى. بيىل وعان ەلىمىزبەن قاتار رەسەي، وزبەكستان، ارمەنيا، قىرعىزستان، تاجىكستان سىندى ەلدەردەن كەلگەن 70-كە جۋىق ۆوكاليست قاتىسىپ جاتىر. وسى جولى ونەر دوداسىنا    ر.باعلانوۆا اتىنداعى «قازاقكونتسەرت» مەملەكەتتىك كونتسەرتتىك ۇيىمى مەن «استانا وپەرا» حالىقارالىق وپەرا اكادەمياسىنىڭ كوركەمدىك جەتەكشىسى، قازاقستاننىڭ ەڭبەك سىڭىرگەن قايراتكەرى تيمۋر ۋرمانچەەۆ (قازاقستان), مادەنيەت جانە ونەر سالاسىنداعى ليتۆا ۇلتتىق سىيلىعىنىڭ لاۋرەاتى، ليتۆا مۋزىكالىق-تەاتر اكادەمياسىنىڭ پروفەسسورى يرەنا ميلكياۆيچيۋتە (ليتۆا), فورو بوناپارتتاعى مۋزىكالىق اكادەميانىڭ پروفەسسورى، گ.دونيتسەتتي اتىنداعى اكادەميانىڭ كامەرالىق ءان ايتۋ ءبولىمىنىڭ مەڭگەرۋشىسى الەكساندر گۋسەۆ (يتاليا), رەسەيدىڭ ەڭبەك سىڭىرگەن ءارتىسى، سانكت-پەتەربۋرگ كونسەرۆاتورياسىنىڭ پروفەسسورى تامارا نوۆيچەنكو (رەسەي), پراگا مەملەكەتتىك وپەراسىنىڭ ءسوليسى دامير باسىروۆ (چەحيا), وزبەكستان رەسپۋبليكاسىنىڭ حالىق ءارتىسى، حالىقارالىق كونكۋرستاردىڭ لاۋرەاتى راميز ۋسمانوۆ (وزبەكستان) قازىلىق ەتىپ جاتىر.

پىكىر جازۋ

پوچتاڭىز جاريالانبايدى

5 × four =