BAWIRLASTIQTIÑ JAÑA BELESİ

0 99

Beysenbi küni Memleket basşısı Nursultan Nazarbaev Qazaqstanğa resmï saparmen kelgen Qırğız Respwblïkasınıñ Prezïdenti Almazbek Atambaevpen kezdesti. Bul – qırğızdıñ jaña prezïdentiniñ bizdiñ elge alğaş kelwi. Qos el basşısınıñ qatıswımen Aqordada resmï räsimnen soñ şağın jäne keñeytilgen quramda kelissözder ötip, onda birqatar kelisimder qabıldandı.

Eki eldiñ basşıları özara is-qïmıldıñ özekti mäselesin talqıladı. Atap aytsaq, olar sawda-ekonomïkalıq, aymaqtıq qawipsizdik pen turaqtılıqtı nığaytw jäne mädenï-gwmanïtarlıq ıntımaqtastıqtı odan äri damıtw jöninde pikir almastı.

Resmï otırıstan soñ, Qazaqstan Respwblïkasınıñ Prezïdenti Nursultan Nazarbaev pen Qırğız Respwblïkasınıñ Prezïdenti Al­mazbek Atambaev jwrnalïster aldında söz söyledi. Brïfïngte qos eldiñ basşıları energetïka, awıl şarwaşılığı, kölik jäne kommwnïkacïya, ken bayıtw jäne öñdew önerkäsibi, twrïzm jäne özge salalardağı özara tïimdi ıntımaqtastıqtı jandandırwğa keliskenin mälimdedi.

Elbası öz sözinde Qazaqstan 1991-2011 jıldar aralığında Qırğızstan ekonomïkasına 1 mïllïardtan astam AQŞ dolları köleminde ïnvestï­cïya salğanın ayttı. Sonday-aq, eki el arasındağı tawar aynalımı 2011 jılı 750 mïllïonnan astam dollardı qurağanı belgili bol­dı. Bul körsetkiş 2010 jılmen salıstırğanda 27 payızğa artqan.

Eki eldiñ ıntımaqtastığın nığayta tüsetin tağı bir jañalıq – aldağı waqıtta qazaq-qırğız ïnvestïcïyalıq qorı jumısın bastamaq. Sonımen birge, budan bılay Qırğızstan azamattarı Qazaqstanda 90 täwlik bola aladı. Tayawda qazaq-qırğız şekarasında «Kegen-Qarqara» ötkizw beketi aşı­ladı. Birer jıl burın Qırğız elinen kontrabandalıq jolmen qarw-jaraq tasımaldanğan beketti el bïligi jawıp tastağan bolatın. So­nımen birge, Qırğızstannıñ Keden odağı men Qazaqstan, Resey jäne Belarws' Birıñğay ekonomïkalıq keñistigine qosılw mäselesi qaralatın belgili boldı. Bul rette qazaq bïligi ayırqalpaqtı ağayınğa odaqqa qosılw kezinde qujattardı räsimdewge kömektesetinin de jetkizdi.

Eki eldiñ mädenï qatınası da na­zardan tıs qalmadı. Bïıl Qazaqstan Respwblïkası men Qırğız Respwblï­kası arasındağı dïplomatïyalıq qatınastardıñ ornağanına 20 jıl toladı. Osı rette Nursultan Na­zarbaev pen Almazbek Atambaev Bişkekte Abaydıñ eskertkişin ornatw jäne eki eldiñ astanasında Şoqan Wälïhanov pen Şıñğıs Aytmatov attarına köşe berw twralı şeşim qabıldadı.

Aynur ŞOŞAEVA

Pikir jazw

Poçtañız jarïyalanbaydı

ten − four =