Bawırlas elder – strategïyalıq seriktester

0 63

Qazaqstan Prezïdenti ­Qasım­-Jomart­ Toqaev Özbekstan Respwblïkasına memlekettik saparmen bardı.

 

Sapar ayasında Qasım-Jomart Toqaev aldımen Özbekstan Respwblïkasınıñ Prezïdenti Şavkat Mïrzïeevpen şağın quramda kelissöz ötkizdi. Kezdesw kezinde Özbekstan basşısı Qasım-Jomart Toqaevtı Qazaqstan Respwblïkasınıñ Prezïdenti lawazımına kiriswimen quttıqtap, onıñ Qazaqstannıñ qazirgi zamanğı damwına jäne şet memlekettermen köpjaqtı baylanıstarına layıqtı üles qosqan halıq­aralıq awqımdağı sayasatker jäne memlekettik qayratker retindegi mol täjirïbesin atap ötti.
Qos memleket basşıları Qazaqstan Res­pwblïkasınıñ Tuñğış Prezïdenti – Elbası Nursultan Äbişulı Nazarbaevtıñ eki el arasındağı bawırlastıq baylanıstar men strategïyalıq seriktestikti, onıñ işinde Ortalıq Azïyadağı beybitşilikti, turaqtılıq pen qawipsizdikti qamtamasız etwdegi ıntımaqtastıqtı damıtwğa qosqan körnekti rölin ayrıqşa atadı.
Kelissözder barısında prezïdentter dästürli dostıq, özara sıylastıq, senim men aşıq rwhta eki jaqtı qatınastardıñ negizgi mäselelerin, özara müddelilik tanıtılğan özekti öñirlik jäne halıqaralıq problemalardı söz etip, eki el arasındağı keñformattı ıntımaqtastıqtı odan äri tereñdetw men keñeytwdiñ perspektïvaların talqıladı.
Taraptar 2018 jılı Qazaqstandağı Özbekstan jılınıñ sätti ötkizilwin jäne 2019 jılğı 15 säwirdegi Özbekstandağı Qazaqstan jılınıñ saltanattı aşılwına rïzaşılıqtarın bildirdi. Munday is-şaralar qazaq jäne özbek halıqtarınıñ bawırlastığı men rwhanï twıstığınıñ, eki eldiñ şınayı dostığı men tağdırlarınıñ ajıramas jaqındığınıñ nışanı bolıp tabılatının, sonday-aq halıqtar arasındağı tatw körşilik qatınastarın nığaytwğa, özara tüsinistik pen senimdi, körşilik qoldawdı tereñdetwge järdemdesetinin atap ötti.

Pikir jazw

Poçtañız jarïyalanbaydı