©2020 Астана Ақшамы
Өз ойынын әлі таппаған «Астана» баскетбол клубы тағы да жеңіліске ұшырады. ВТБ бірыңғай лигасының аясында өз жерінде Ресейден келген «Нижний Новгород» командасын қабылдап, 85:73 есебімен есе жіберді.
Жыл басындағы алғашқы матчтың алғашқы он минуты «Астананың» аздаған басымдығымен аяқталды. Бірақ екінші кезеңде қонақтар 4 ұпай алға ұзады. Одан кейінгі кезеңдерде алаң иелері қанша алға ұмтылғанымен, сәттілік жетіспей, ұшырған доптарын себетке қондыра алмады.
«Астана» сапынан ең нәтижелі болғандар – Джастин Картер – 20, Леонидас Каселакис – 14, Энтони Клеммонс – 12, Малькольм Грант – 8, Ларри Гордон – 5 ұпай.
«Астананың» келесі ойыны елордада 15 қаңтар күні Риганың «ВЭФ» командасына қарсы өтеді.
Орынбек ӨТЕМҰРАТ