Bas müftïmen kezdesti

0 17

Keşe elorda äkimi Altay Kölginov QMDB bas müftïi Nawrızbay Qajı Tağanulımen kezdesip, karantïn rejïmi jağdayında ötetin Qurban ayttı atap ötw mäselesin talqıladı.

Eldegi sanïtarlıq-epïdemïologïyalıq ahwalğa baylanıstı adamdardıñ köptep jïnalwına, bir jerge şoğırlanwına bolmaydı. 5 şildeden bastap engizilgen qatañ karantïn rejïmine säykes, barlıq räsim onlayn ötkizilwi qajet. Osığan säykes bïıl qurbandıq şalw räsimderi de onlayn-formatta ötedi. Osı orayda, alğaş ret qaşıqtan qurban şalwdı uyımdastırw maqsatında qurban2020.kz saytı iske qosıldı. Atalğan saytta kez kelgen azamat onlayn türde qurban şalwğa tapsırıs bere aladı. Kezdeswde qala äkimi vïrwstıñ taralw qawpiniñ aldın alw maqsatında qawipsizdik şaralarına män beriletinin atap ötip, elordalıq meşitterge uyımdastırw jumıstarı boyınşa kömek körsetiletinin atap ötti. Ol üşin eriktiler men IT-mamandardan turatın qalalıq arnayı ştab qurıldı. Sonımen qatar Nur-Sultan qalasınıñ Din isteri jönindegi basqarması Qazaqstan musılmandarı dinï basqarmasınıñ elorda boyınşa ökildigi jäne tïisti memlekettik mekemelermen birlese dayındıq jumıstarın jürgizip jatır. Ruqsat etilmegen jerlerde qurbandıq şalwğa bolmaydı. Osı mäseleni jäne adamdardıñ toptaspawın qadağalaw üşin awdan äkimdikterinde şuğıl äreket etw toptarı qurıldı. Barlıq memlekettik organdar küşeytilgen rejïmde jumıstar jürgizedi.

Pikir jazw

Poçtañız jarïyalanbaydı

10 + 12 =