Баронесса Саида ВАРСИ, Ұлыбритания Сыртқы істер министрлігінің аға мемлекеттік министрі: «ЭКСПО-2017» КӨРМЕСІНЕ ҮЛЕС ҚОСҚЫМЫЗ КЕЛЕДІ

– Астанада өтетін «ЭКСПО-2017» көрмесінде Қазақстан өзіндік даралығы мен ерекшелігін паш ететін болса, онда бұл шараның табысты өтетіндігіне күмән жоқ. Келген адамдар  Қазақстанның тек экономикалық жетістіктерін көрмеуі тиіс. Олар бұл елдің қонақжайлығын, онда тұрып жатқан адамдардың ерек­ше­ліктерін сезініп, жағымды әсерде қайтуы қажет. Әрине, бұл көрмеге біздің де компания­лар қатысатын болады. Бри­тандық «AEDAS» компания­сы қазірдің өзінде «Жасыл орам-EXPO Village» құрылысын салу үшін тендер ұтып алды. Біз өз тәжірибемізбен шын кө­ңілден бөлісетін боламыз. Ұлы­британия «ЭКСПО-2017» көрмесіне айтарлықтай зор үлес­пен қатысқысы келеді.