Bäri de stwdentter üşin

0 88

L.N.Gwmïlev atındağı Ewrazïya Ulttıq wnïversïtetiniñ «Bäri de stwdentter üşin» attı arnayı bağdarlaması bar.
Keşe osı bağdarlama ayasında birqatar saltanattı şaralardıñ şımıldığı türildi.
Qonaqtar aldımen Kültegin eskertkişteriniñ köşirmesi ornalasqan wnïversïtet atrïwmın aralap kördi.
Sodan keyin mäslïhat depwtattarı men Mïnïstrlik, elşilik ökilderi wnïversïtettiñ jaña oqw-zerthanalıq ğïmaratı men otbasılı qızmetkerlerge arnalğan 100 päterli turğın üydiñ alğaşqı qazığın qağw räsimine qatıstı.
Wnïversïtet rektorı Erlan Sıdıqovtıñ aytwınşa, bügingi küni osı nısandar boyınşa qarjı mäselesi tolıqtay şeşilgen. Endigi bar şarwa köktem şığa qurılıs jumıstarın bastaw bolıp otır.
Birer jıldan keyin, jaqın mañnan wnïversïtettiñ sport keşeni de boy köteretin boladı.
Aytpaqşı, oqw ornına jaña basşı kelgeli wnïversïtettiñ jeke emhanası iske qosıldı. Wnïversïtet qızmetkerleri men stwdentterine medïcïnalıq qızmet körsetetin munday arnayı mekemeler äzirge özge joğarı oqw orındarında joq ekenin ayta ketken jön.
Sonday-aq, küni keşe aşılğan Stwdenttik kïnoteatrı da el awmağında tuñğış ret iske qosılıp otırğan joba bolıp otır.
«Stwdenttik kïnoteatr» jobasınıñ bastı maqsatı – tarïhımızda altın ärippen jazılğan otandıq klassïkalıq kïnotwındılarmen qatar, qazirgi bilim men ğılımdı, mädenïetti keñinen nasïhattaytın qazaqstandıq jäne şeteldik fïl'mderdi tamaşa tehnïkalıq sapada körsetw arqılı jastardıñ dünïetanımın keñeytw bolıp otır.
Teatrdıñ şımıldığı Elbasınıñ balalıq şağı jayında rejïsser Rüstem Äbdiraş tüsirgen «Balalıq şağımnıñ aspanı» fïl'mimen aşıldı. Şarağa fïl'm rejïsseri – Rüstem Äbdiraş, kïno keyipkerleri belgili akter – Nurjuman Iqtımbaev, jas aktrïsa – Almagül Älişevalar qatıstı.
Teatr ğïmaratı wnïversïtet stwdentteriniñ mädenï demalısın anağurlım mañızdı ötkizwine äserin tïgizetin boladı. Ğïmaratta jumsaq orındıqtar, tamaşa ekran, qwattı akwstïka, salqındatw jüyesi qarastırılğan. Osı arqılı wnïversïtettiñ elordalıq jäne elimizdegi jetekşi oqw ornı retindegi ïmïdji arta tüspek.

Şınar DOSAN

Pikir jazw

Poçtañız jarïyalanbaydı

2 × 4 =