Бәрі біліктілікке байланысты

0 113

Оқытушылардың біліктілігін көтеріп, оқушыларға сапалы білім беру мәселесін елордадағы гума­нитарлық колледжі назардан тыс қалдырған емес. Келесі жылы оқу орнымыз өзінің 70 жылдығын атап өтпекші. Осыған байланысты кол­леджде педагог мәртебесін көте­руден бастап, көп­теген іс-шаралар өткізу қазірден-ақ басталып кетті.

Қазіргі заман педагогының мәртебесі өзді­гінен келетін нәрсе емес, оған қол жет­кізу үшін әр ұстаз ұзақ еңбектенуі керек. Мұға­лімнің ең бірінші сыншысы – шәкірттері. Көп ізденген, көп еңбек­тенген, ұрпақ жолына бар саналы ғұмырын арнаған адамды оқушылары да құр­мет­тейді, үлгі тұтады. Сондық­тан, жеткін­шектердің сапалы ілім алу мәсе­лесіне үлкен жауап­­кер­ші­лікпен келу керек. Бүгінгі таңда за­ма­науи технология­ның тілін тап­қанның аты озып тұр. Еліміз дамыған мем­лекет­тердің қатарына ену үшін бүгінгі жеткіншек жан-жақты білімді азамат болып тәр­биеленуі керек. Міне, сондықтан өскелең ұрпақтың бойына білім дәнін егетін педагогтардың білік­тілігі мен мәр­тебесін көтеру күн тәртібіне шығып отыр.

Мұғалім, ол – педагог, ұстаз, менеджер, психолог. Қазір әріп­тес­теріміздің көбі ақ­па­рат­тық техно­логияны пайдаланады. Өйт­­кені, ол – қажеттілік. Оқы­тушы түзел­­мей, оқушы түзелмей­тінін, әсіресе, елор­да мұға­лімдері жақсы ұғы­нады. Біздің кол­ледж ұжымы да өзара білім деңгейін са­рапқа салу мақ­сатында «Үз­дік педагог» бай­қауын ұйым­да­стырмақшы. Мұндай сайыс өткізу ар­қылы педагог мәртебесін, білім сапа­сын арттыруды жөн санап отырмыз.

Мейрамгүл АБСАТОВА,
Астана қаласы Гуманитарлық колледжінің әдіскері

Пікір жазу

Почтаңыз жарияланбайды

13 − twelve =