Бапкерлерді түгендеген туынды

0 69

«Самұрық Қазына» әл-ауқат қорының бас серіктес болуымен, «Туризм индустриясы мен спортты қолдау қорының» (бас директоры Асхат Сейсембеков) тікелей қолдауымен «Қазақтың 90 бапкері» кітабы оқырманға жол тартты. Туынды авторы – белгілі спорт журналисі, Қазақстан Жастар одағының, Б.Бұлқышев және С.Бердіқұл атындағы республикалық байқаулардың, «Үркер» ұлттық сыйлығының лауреаты Қыдырбек Рысбек. 

263955749_1573703419636816_5091935344743663548_n

90 сүйекті мақалаға қосымша бұл еңбекке 60-қа тарта бапкердің деректері мен суреттері енді. Кітапта 563 фотосурет бар. Жаңа жинақта Тимур Сегізбаев (футбол), Аманкелді Рымқұлов (ауыр атлетика), Әбілда Ақшораев, Серікбай Тілеубаев, Жақсылық Тұрғанбаев (тоғызқұмалақ), Серік Тоқтарғазин, Мерей Көшкін, Сәдет Қасымов (самбо, дзюдо), Таңатқан Бөкин (параволейбол), Бақыт Қоқысбеков, Асан Жолдасбай (самбо), Оразәлі Мұхамедәлинов, Азамат Көкебай, Жұмахан Тұрғанбеков, Рақымжан Бақытжанов (грек-рим күресі), Сұлтан Қобыландин (көгалдағы хоккей), Орынбай Майкеев, Тимур Шатаев, Шаттық Қажымұқан (каратэ) секілді жаттықтырушылардың қысқа да түйінді тарихы мен шәкірттері туралы деректер енгізілді.

Сонымен қатар 1945-2021 жылдар аралығындағы қазақ спортының ең айтулы бапкерлері мен олар баптаған спортшылар бір кітапқа жинақталды.

«Алаштың атақты жаттықтырушылары жайлы тарихты алдағы уақытта жалғастыра түссек деген ниет бар» дейді кітап авторы Қыдырбек Рысбек.

Осының алдында спорт журналисінің «Қазақтың 72 бапкері» атты тарихи-деректі еңбегі жарық көрді.

Баян АСЫЛБЕКОВА

 

Пікір жазу

Почтаңыз жарияланбайды

16 + 8 =