Bayqoñır atawı bekitildi

3 1  563

Jaqında qalalıq mäslïhattıñ turaqtı komïssïyalarınıñ qoğamdıq tıñdawında Astanada aşılatın törtinşi awdanğa Bay­qoñır atawı usınılıp, maquldandı.

Osı aptada qalalıq ono­mastïkalıq komïssïya bul atawdı talqılap, bekitti. Respwblïkalıq onomastïkalıq komïssïya qalalıq komïssïya şeşimin özgertpey, öz otırısınıñ hattamasın äkimdikke jiberdi. Keşe ötken qalalıq Qoğamdıq keñes otırısında Astana mäslïhatınıñ hatşısı Janat Nurpeyisov osılay dep habarladı.
Qoğamdıq keñeste qaralğan mäselelerdiñ biri Astana qala­sınıñ şekaraların bel­gi­lewge qatıstı boldı. Onımen Säwlet jäne qala qurılısı basqarmasınıñ basşısı Baqtı­bay Taytalïev tanıstırdı.
«Soñğı bes jılda Astana halqınıñ sanı 35 payızğa ul­ğayıp, 645 mıñ adamnan 1 mln 10 mıñ adamğa jetti. Bıltır qala terrïtorïyasına 8 mıñnan astam gektar qosıldı. Bul – Maybalıq köli, panteon. Halıqtıñ tığızdığı mäselesin şeşw üşin jaña mektepterdi, balabaqşalardı, emhanalardı, kölik jüyesin, ïnjenerlik ïnfraqurılımdı salw maq­satında törtinşi awdandı aşw qajettiligi twındadı» dedi bayandamaşı.
Onıñ aytwınşa, törtinşi awdannıñ şığıs böligi Almatı awdanımen, batıs jäne oñtüstik böligi Sarıarqa awdanımen, al Esil özeni arnasımen Esil awdanımen şekaralasadı. Jalpı alğanda, qala awmağı 79 mıñ 733 gektardı qurasa, sonıñ işinde jaña awdan 18 mıñ 129 gektardı aladı. Halıq sanına kelsek, onda 211 mıñ adam turatın boladı.
Qoğamdıq keñes otırısında, sonday-aq, Astanadağı qorşağan ortanı sawıqtırwdıñ 2018-2020 jıldarğa arnalğan keşendi jos­parı jobası talqılandı. Jobanı qalalıq Tabïğï reswrster jäne tabïğattı paydalanwdı rettew basqarmasımen birge Qazaqstannıñ ekologïyalıq uyım­darı assocïacïyası äzirledi. Atal­mış assocïacïya törayımı Aygül Solov'eva keñes müşeleri qoyğan suraqtarğa jawap berdi.
Bul jobağa säykes, Promışlennıy turğın alabın 2-JEO-dan keletin ortalıqtandırılğan jılw jüyesine qosw josparlanwda. A.Solov'evanıñ sözinşe, alayda bul eldi mekenniñ bükil turğındarın ortalıqtan beri­letin jılwmen qamtw äzirge mümkin emes. Tek bir avtonomdı qazandıqtı tutınwşılar ğana ortalıq jılw jüyesine qosıladı. Sol kezde qazandıq joyıladı. Sonıñ özinde awağa taralatın zïyandı qaldıqtar edäwir azayatın körinedi. Mäselen, «Astana Energïya» AQ-tıñ qorşağan ortanı qorğaw zerthanasınıñ meñgerwşisi Natal'ya Mwhïnanıñ aytwınşa, qaldıqtar 17 tonnağa kemïdi.
Otırısta, buğan qosa, qala ekologïyası, elordağa gaz tartw mäselesi, onıñ tïimdiligi twralı biraz aytıldı. Osıdan birneşe jıl burın Astananıñ birqatar nısandarı suyıtılğan gazben jılıtıla bastadı. Aldağı jıldarı Qızılordadan qubır beri qaray tartılıp, Qarağandı arqılı tabïğï gaz da kelwi tïis. Osınıñ qaysısı arzandaw boladı? Keñes müşeleriniñ pikirinşe, aytqanday ayırmaşılıq bay­qalmaydı.
Astanadağı qorşağan ortanı sawıqtırwdıñ 2018-2020 jıldarğa arnalğan keşendi jos­parı jobasın jüzege asırwğa ïnvestorlar tartılmaq. Qo­ğamdıq keñes bul jobanı be­kitti.

Amanğalï QALJANOV 

  1. Ospan :

    Öte naşar ataw! Naşar! Qızılorda oblısınıñ halqın ekologïyalıq apatqa uşıratıp, jurttıñ nalasına qalıp otırğan kosmos gavanınıñ atın Astanağa äkelip tıqpalaw tipti de tapqırlıq emes.

  2. Rwza :

    Bayqoñırdıñ atawı jöninde. Meniñ atı-jönim – Beysenbay tegi Rwza Zaykenqızı. Erterekte, til üşin pavlodarlïftpen sottasqanımda, atı-jönimde de durıs emes jazw üşin talabım boldı, sotqa arızımda. Sot ärïne, qalay bar, jeke kwäligimde sonday şeşim şığardı. Jumısımdı kelisim-şarttar arqılı atqaramın. Ädette 2 tildegi. Sonıñ qazaqşasında da, Taw-Ken Jeke käsipkerligi, Beysenbay tegi Rwza Zaykenqızı. Orısşasında da däl solay. Sonı keybirewler orısşa mätinde ÏP Taw-Ken, fam. Beysenbay tegï qılğısı kelip-aq turadı). Körsetem jeke kwäligimdi, käsipkerlik kwäligimdi, qayda bir de bir orısşa söz joq, aytamın, zañ jüzinde durıs emes, qalay kelisim şartqa otıramız, eger joq orısşa atawlardı jazıp qoydıñızdar deymin. Kelisedi, endeşe?
    Tilder zañı, 19 bapta, jer-sw atawları translïteracïya zañımen jazıladı dep körsetilgen. Orısşa mätinde, oğan basqa tilden kirgen sözdi beyimdew ol, bilwimşe, transkrïpcïya dep ataladı. Sondıqtan Baykonwr, Baykonır. Sayıp kelgende, bäribir qazaqşa emes. Al translïteracïya boyınşa, onda basqa tilden kirgen söz, kirgen tildiñ äripterimen tüpnusqadada beriledi. Sondıqtan, barlıq orısşa mätinderde, durısı qazaq atawımen BAYQOÑIR bolwı kerek. Mısalı jïi kezdestiremiz ğoy, orısşa mätinde (qazaqşada da) ağılşın, t.b. tildegi sözderdi öz tilinde, öz äripterimen jazılıp turğanın. Bul da sol sïyaqtı.

  3. Rwza :

    Aytpaqşı, jumıstarımda, orısşa mätinde de jer-sw atawların, 20 jılday, tek qazaqşa jazamın.

Pikir jazw

Poçtañız jarïyalanbaydı

three × five =