Байқаудың басталуына аз қалды

0 80

Нұрғали ТҰРЛЫБЕКОВ, Астана қаласы мемлекеттік филармониясы бас директорының шығармашылық жөніндегі орынбасары:

 – Нұрғиса Тілендиев атындағы «Өз елім» ІІІ музыкалық фестиваль-байқауы өтеді. Мұ­ның­ ерекшелігі неде?

– Осымен үшінші рет өткізілетін өнер додасының басталуына аз қалды. Бұл байқауда тек Нұрғиса Тілендиевтің шығармалары орындалады. Өйткені, оның әндері – кәрі мен жасты бірдей ерекше сезімге бөлейтін, сиқырлы һәм құдіретті әуені бар, қайталанбас шығармалар. Байқау 29 наурыздан 1 сәуірге дейін өтеді. Қазір қызу дайындық басталып кетті.

– Байқауға қатысушыларға қандай талаптар қойылады?

– Байқауға 16-дан 35 жасқа дейінгі жас музыканттар қатысады. Қазақстанның әр облысынан классикалық вокал (әйелдер мен ерлер), домбыра, дирижер аталымдары бойынша 2 қатысушыдан қатыса алады.

– Жеңімпаздарға тігілген жүлде қоры қандай?

– «Бас жүлде – Астана қаласы әкімінің кубогы мен 1 200 000 теңге ақшалай сыйлық. Сонымен қатар, Гран-при – 800 000 теңге, 1-ші орын – 600 000 теңге, 2-ші орын – 300 000 теңге, 3-ші орын – 150 000 теңге ақшалай сыйлықпен және медальдармен марапатталады.

Е.СӘТІМБЕК, Е.ЖАНАТ

Пікір жазу

Почтаңыз жарияланбайды

eight + 10 =