Bağdat ÄLÏEV, Almatı oblıstıq awıl şarwaşılığı basqarmasınıñ bastığı: ÖNİMNİÑ BARLIQ TÜRİN ÄKELDİK

0 148

Keşe Almatı oblısınan şıqqan avtokerwen Astanağa taban tiredi. Arnayı jük kölikterine tïelgen azıq-tülik önimderi qala alañında ötetin järmeñkede astanalıqtarğa arzan bağamen usınılmaqşı. Osığan baylanıstı jetiswlıqtardıñ kerwenin bastap kelgen Almatı oblıstıq awıl şarwaşılığı basqarmasınıñ bastığı Bağdat Bayşalulı Älïevpen tildesken edik.

Küzgi järmeñkeni birinşi bo­lıp Almatı oblısınan kelgen av­tokerwen bastağalı tur. Önimniñ qanşa türin äkeldiñizder?

Qazaqta «kewsen» degen ta­maşa dästür bar. Jılda küzgi jïın-terinniñ nawqanı kezinde Almatı oblısı eñbekkerleriniñ awılşarwaşılıq önimderi halıqqa arzan bağamen satıladı. Jıldağı dästür boyınşa Astana qalasına elw jük köligine tïelgen barlığı 400 tonna quraytın azıq-tülik önimderin alıp keldik. Onıñ işinde et-süt önimderi, kökönis, jemister bar.

Almatı oblısı 60 türli önim öndiretin bolsa, sonıñ bärin äkeldik. Bul järmeñkege barlığı 16 awdan men qalalar atsalıswda. Äsirese, Qarasay, Talğar, Eñbekşiqazaq awdandarınıñ önimderi molınan jetkizildi.

Järmeñkeniñ bastı maqsatı qanday?

– Järmeñke – qala mañındağı azıq-tülik beldewin damıtw jäne elordalıqtardıñ suranısın qanağattandırw üşin uyımdastırılwda. Almatı oblısı awıl şarwaşılığı salasınıñ ma­mandarı äkelgen önimderdiñ jalpı qunı 130 mln teñgeni quraydı.

Bïılğı järmeñkeniñ erekşeligi nede dep oylaysız?

– Järmeñkeniñ erekşeligi sol, awılşarwaşılığı önimderiniñ barlığı narıqtağı bağadan 15-20 payızğa arzan bağamen satıla­dı. Budan bölek elordalıqtarğa dayındap äkelingen merekelik koncertimiz bar. Almatı oblısınıñ önerpazdarı järmeñke ötetin küni qalalıq alañda öz önerlerin ortağa saladı.

Gülmïra AYMAĞANBET

Pikir jazw

Poçtañız jarïyalanbaydı

two + 11 =