باعانى تۇراقتاندىرۋعا نەسيە بەرىلەدى

0 69

ەلوردالىق ينۆەستيتسيالار جانە كاسىپكەرلىكتى دامىتۋ باسقارماسى الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ تەتىكتەرىن ەنگىزۋ اياسىندا كاسىپكەرلىك سۋبەكتىلەرىنەن نەسيە الۋ تۋرالى وتىنىشتەردى قابىلدايدى، دەپ حابارلايدى نۇر-سۇلتان اكىمدىگىنىڭ رەسمي سايتى.الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ ءۇشىن قالا اكىمدىگى كاسىپكەرلىك سۋبەكتىلەرىنە ءتيىستى قارىز شارتىن جاساسۋ ارقىلى قايتارىمدىلىق، مەرزىمدىلىك، قامتاماسىز ەتىلۋ جانە اقىلى شارتتاردا قارىز بەرەدى. نەسيە مولشەرىن ولاردىڭ بەلگىلەنگەن تالاپتارعا سايكەس كەلەتىنى بويىنشا كوميسسيا ايقىندايدى.
ىرىكتەۋ كريتەريلەرى مىناداي:
– ازىق-تۇلىك ونىمدەرىن ءتيىستى تۇردە ساقتاۋعا جانە الەۋمەتتىك ماڭىزى بار ازىق-تۇلىك تاۋارلارىنا باعانى ۇستاپ تۇرۋعا باعىتتالعان ءىس-شارالار كەشەنىن قامتاماسىز ەتۋ، سول سياقتى ساتىپ الۋ جانە باسقا وپەراتسيالاردى جۇزەگە اسىرۋعا ارنالعان ارنايى جابدىقتارى بار قويمالاردىڭ بولۋى، سونىمەن قاتار باسقا دا ءۇي-جايلاردان تۇراتىن ساۋدا-لوگيستيكالىق ينفراقۇرىلىمعا يە نەمەسە جالعا بەرەتىن كاسىپكەرلىك سۋبەكتىلەرى;
– ءوتىنىشتى قاراۋ كەزىندە كاسىپكەرلەر بانكروتقا ۇشىراعان بولماۋى كەرەك;
– كاسىپكەرلىك سۋبەكتىسى ءونىم بەرۋشىلەردىڭ جوسىقسىز ۇيىمدارىنىڭ تىزىمىندە (قارا تىزىمدە) بولماۋى كەرەك. كوميسسيانىڭ نەسيە بەرۋ ماسەلەسىن قاراۋ ءۇشىن كاسىپكەرلىك سۋبەكتىسى كەلەسى اقپاراتتى ۇسىنادى:
– نەسيە سوماسىن، سونداي-اق شىعىندار بويىنشا قاجەتتى ەسەپتەۋلەردى ازىق-تۇلىك ونىمدەرىنىڭ ۇسىنىلاتىن ءتىزىمىن، نەسيەنى وتەۋ مەرزىمدەرىن كورسەتەتىن ءوتىنىش;
– كرەديتورلىق بەرەشەك جانە دەبيتورلىق بەرەشەك، نەگىزگى قۇرالدار تىزبەسى كورسەتىلگەن الدىڭعى جانە / نەمەسە اعىمداعى قارجى جىلىنداعى قارجىلىق ەسەپتىلىك; (وسى تارماقتا كەلىسىلگەن);
– شارۋاشىلىق جۇرگىزۋشى سۋبەكتىنىڭ جارعىسىنىڭ نوتاريالدى كۋالاندىرىلعان كوشىرمەسى;
– مەملەكەتتىك تىركەۋ (قايتا تىركەۋ) تۋرالى كۋالىك;
– ءبىرىنشى باسشىنى تاعايىنداۋ (سايلاۋ) تۋرالى قۇجاتتىڭ نوتاريالدى كۋالاندىرىلعان كوشىرمەسى (زاڭدى تۇلعالار ءۇشىن);
– ءبىرىنشى باسشىنى قوسپاعاندا، وتىنىشكە قول قويۋ قۇقىعىندا مۇددەلەرىن بىلدىرەتىن تۇلعاعا (ادامدارعا) سەنىمحات;
– قولدا بار نەسيەلەر جانە نەسيە تاريحى تۋرالى مالىمەتتەر;
– سالىق بەرەشەگىنىڭ جانە بيۋدجەتكە تولەنەتىن مىندەتتى تولەمدەردىڭ، جالاقى بويىنشا بەرەشەكتىڭ جانە الەۋمەتتىك اۋدارىمداردىڭ بولماۋى تۋرالى مالىمەتتەر.
نەسيە الۋعا ءوتىنىش بەرۋ ورنى: «نۇر-سۇلتان قالاسىنىڭ ينۆەستيتسيا­لار جانە كاسىپكەرلىكتى دامىتۋ باسقارماسى» مم. مەكەنجايى: بەيبىتشىلىك، 11, 622 كاب;
قوسىمشا اقپاراتتى 55-54-85 تەلەفونى ارقىلى الۋعا بولادى.

پىكىر جازۋ

پوچتاڭىز جاريالانبايدى

eight − 1 =