باعالى جوبالاردىڭ باعى جانادى

0 82

«بيزنەستىڭ جول كارتاسى-2020» باعدارلاماسى شەڭ­بە­رىندە بىرنەشە ءوندىرىس ورنى­ اشىلىپ،­ ازاماتتاردىڭ جۇمىس ىستەۋىنە مۇمكىندىك جاسالدى.­ كاسىپكەرلىككە قولداۋ كورسەتۋدىڭ مۇنداي ىزگى قادامىن تەك ماقۇلداعان ءجون. بىلتىر بۇل باعدارلاماعا شامامەن 37 ميلليارد تەڭگە بولىنگەن. سونداي-اق، وسى جىلدىڭ 4 قاڭتارىندا بيزنەس­ باستامالارىن قولداۋ بويىنشا 567 كەلىسىم شارت جاسالعان. وعان بەرىلگەن نەسيە­ سوماسى – 96 848 ميلليون تەڭگە، ال تولەنگەن سۋبسيديا­ – 2 875 ميلليون تەڭگەنى قۇرايدى.

«كاسىپكەرلىك سەكتوردى ساۋىقتىرۋ» با­عى­تى­نا­ 116 كەلىسىم شارت ازىرلەنىپتى. سونىڭ ىشىندە وندەۋ ونەركاسىبى سالاسىنا ايرىقشا ما­ڭىز­ بە­رىلگەن. نەگىزى، باعدارلامانى ىسكە اسىرۋ ءتورت جۇيەگە بولىنگەن: جاڭا بيزنەس باستامالار­دى­ قولداۋ، كاسىپكەرلىك سەكتوردى كۇشەيتۋ، ەك­سپور­ت­قا ­باعدارلانعان وندىرىستەردى قولداۋ، كاسىپكەرلىك الەۋ­ەتتى كۇشەيتۋ.

تاعى وتكەن جىلدىڭ دەرەگىنە سۇيەنسەك، 2,2­ مىڭنان استام جوبانى سۋبسيديالاۋعا رۇق­سات­ ەتىلگەن. 335 كاسىپورىنعا ين­جە­نەر­لىك ين­فرا­قۇ­رىلىمدار تارتىلىپ، جا­ڭا­دان­ ءىسىن باستاعان كاسىپكەرگە 3 ميلليون تەڭ­گەگە دەيىن گرانتتار بەرىلدى. بۇعان قو­سا،­ ليزينگتىك مامىلەلەر سۋبسي­ديا­­لا­نىپ، نە­سيەلەردى كەپىلدەندىرۋدىڭ جاڭا ءجۇ­ي­­ە­سى­ ەن­گىزىلگەن.

«دامۋ» كاسىپكەرلىكتى دامىتادى

ەلباسى تاپسىرماسىنا سايكەس، «سامۇرىق-قا­زى­نا»­ ۇلتتىق ءال-اۋقات قورى» اق «بيز­نەس­­­تىڭ­ جول كارتاسى – 2020»، «ينۆەستور – 20­­20»، «ليزينگ – 2020» جانە «ەكسپور­تەر­­ – 20­20»­ باعدارلامالارىنا بەلسەندى ات­­سا­­لى­سۋ­­دى­ ءمىن­دەتىنە الدى. وسىنىڭ ىشىندە ەكىن­­شى ءدا­رە­جە­لى بانكتەردەگى ورتا جانە شاعىن بيز­­نەس­­تىڭ­­ نە­سيە­لە­رىن كەپىلدەندىرۋ، ورتا ءجا­نە­ شاعىن كاسىپتىڭ لي­زينگتىك مامىلەلەرىن قار­جى­لان­دىرۋدىڭ جە­ڭىل­دەتىلگەن باعدارلاماسى قا­راستىرىلعان. كەز كەلگەن شاعىن جانە ورتا بيزنەس يەسى بانكتەن نەسيە الۋ كەزىندە كەپىلگە زات قوياتىنى انىق. الايدا، جىلجىمايتىن مۇلىك باعاسى ارزانداپ كەتكەندىگىنەن بىرقاتار تۇسىنبەستىك ورىن الدى. ماسەلەن، بانكتەر ول زاتتاردى باعالاۋدى تومەندەتتى. ناقتى ايتقاندا، كاسىپكەردىڭ سۇراپ وتىرعان نەسيە سوماسىن كەپىلگە قويعان دۇنيەسى قامتاماسىز ەتە المادى. سول سەبەپتى دە، «دامۋ» كاسىپكەرلىكتى دامىتۋ قورى وسى ءىستى وڭ­تاي­لاندىرۋعا كىرىستى.

ەلوردا جوعارىداعى باعدارلامانى جۇزەگە اسىرۋ ىسىنەن وڭ ناتيجەگە يە. بىلتىر استانا قا­لاسىنىڭ اكىمدىگىندە ارنايى قۇرىلعان ءۇي­لەستىرۋ كەڭەسى بىرنەشە جوبانى ساراپتان ءوت­كى­زىپ، بانك تاراپىنان قارجىلاندىرۋعا كە­لى­سى­مىن بەردى. ايتا كەتۋ كەرەك، جول جوندەۋ مەن قۇ­رى­لىس سالاسىن وركەندەتۋگە باعىتتالعان جو­با­لار­دىڭ قاتارى مول. سونىمەن بىرگە كولىك قىز­مە­تىن­ جۇيەلى ۇيىمداستىرۋعا كوپشىلىك نيەت ءبىل­دىر­دى.

جۇزەگە اسقان جوبالار

استانا – كۇننەن كۇنگە قاناتىن كەڭ جايىپ­ كەلە جات­قان كيەلى مەكەن. جاس قالانى تاماشالاۋعا دا جەر-جەردەن قوناقتار ءجيى ات باسىن بۇرادى. سول سەبەپتى قازىر قولدانىستاعى قوعامدىق كولىكتەر سۇرانىستى قاناعاتتاندىرۋعا ازدىق ەتىپ وتىر.­ وسى مۇقتاجدىقتى جاقسارتۋ ماقساتىن كوز­دەگەن «№2 اۆتوبۋس پاركى» جشس ەسكى اۆتبۋسىن­ جا­ڭا­عا­ اۋىستىرىپ، تەحنيكالىق قىزمەتتى جاقسارتۋعا ءمۇم­كىندىك الدى.

يندۋستريالدىق پارك ەلىمىز بويىنشا ىرگەلى كەشەن بولىپ ەسەپتەلەدى. وسى اۋماقتا بيىل 8 وندىرىستىك كاسىپورىندى ىسكە قوسۋ جوسپارلانىپ وتىر. ولار: ەلەكتروندى-وپتيكالىق اسپاپتار، تەپ­لوۆيزورلار، جالپاق پاراقشا اينەكتەردى، ءاي­نەكتەن، اليۋمينيدەن جاسالعان قابىرعا پا­نەلدەرى مەن ۆيتراجداردى، ءىرى پانەلدى تە­مىر­­بەتون بۇيىمدارىن، ترانسفورماتورلىق قو­­سال­قى­ ستان­سا­لاردى شىعارۋ جانە جيھاز، اف­في­­ناج زاۋىتى.

جالپى العاندا، «استانا – جاڭا قالا» اەا 2012 جىلدىڭ باسىنان بەرى 116 ميلليارد­ تەڭ­گە­نى­ قۇرايتىن ينۆەستيتسيانى يگەردى. ونىڭ ىشىندە 104,4 ميلليارد تەڭگە جاڭا اكىم­شىلىك ورتالىق اۋماعىنداعى 46 جوبانى قام­تىسا، 11,9 ميلليارد تەڭگەسى اتالمىش پارك اۋ­ما­عىن­داعى جوبالارعا تي­ەسىلى. يگەرىلگەن جالپى ينۆەستيتسيانىڭ 95 ميل­ليار­دى جەكە جانە زاەمدىق قاراجات ۇلەسىنە جا­تادى. ال 20 ملرد تەڭگە – بيۋدجەت قاراجاتى، 1,3 ملرد تەڭگەسى – تىكەلەي تارتىلعان شەتەلدىك ين­ۆەستيتسيالار.

بۇل جەردە جەكەلەگەن كاسىپكەردىڭ دە ناپاقا تا­بۋىنا مۇمكىندىكتەر قاراستىرىلعان. سونداي ءبىر سەرىكتەستىككە ۇيلەستىرۋ كەڭەسى جۇمىس ىستەۋگە رۇقسات ەتتى. ولار ماكارون ونىمدەرىن تاياۋ ارادا ەلوردا تۇرعىندارىنا ۇسىناتىن بولادى. وسى تۇر­عىدان العاندا، «بيزنەستىڭ جول كارتاسى» ءوز­ ومىرشەڭدىگىن دالەلدەي تۇسۋدە.

بوتەلكە تىعىنىن شىعارۋ ەلىمىز بويىنشا­ ءىلۋ­دە بىرەۋى كەزدەسەدى. اتالعان جۇمىستى جو­عارىداعى باعدارلاما شەڭبەرى اياسىندا ەل­ور­دا­داعى «قازاقستان تووك» جاۋاپكەرشىلىگى شەك­تەۋ­لى سەرىكتەستىگى قولعا الدى. ەندى ولار بانكىدەن العان قاراجاتقا قۇرال-جابدىقتار سا­تىپ­ الىپ، ءونىم كولەمىن ۇلعايتادى.

ەلەكتروندى بيلەت – ۋاقىت تالابى

ەلباسى جولداۋىندا بۇقارالىق سپورتتى­ دا­مىتۋعا ەرەكشە ەكپىن بەرىلدى. ارينە، باي­راق­تى باسەكەدە توپ جارۋ ءۇشىن ءبىزدىڭ سپورت الاڭ­­دارىمىز بەن جابدىعىمىز ساقاداي-ساي بو­­­لۋى ءتيىس. جالپى، استانادا سپورت كەشەندەرى از­ ەمەس. سوندا دا بولسا، جەكەلەگەن ازاماتتار ونىڭ­ قاتارىن كوبەيتۋگە ىقىلاس تانىتىپ وتىر. ءوت­كەن جىلى اتالعان جوبا مەن بىرنەشە مە­دي­تسي­نالىق كەشەن قىزمەتىن جاقسارتۋعا با­عىت­تال­عان جۇمىستار ۇيلەستىرۋ كەڭەسى مۇشەلەرىنەن وڭ با­عا الدى. وسى جيىندا استانا قالاسى اكىمىنىڭ ورىن­باسارى قانات سۇلتانبەكوۆ قوعامدىق كو­لىك­تەرگە ەلەكتروندى بيلەت جۇيەسىن ەنگىزۋ ءىسى پىسىقتالىپ جاتقانىن جەتكىزدى.

قازىر ەلەكتر ەنەرگياسىن ۇنەمدەۋ ماسەلەسى كۇن تارتىبىندە وتكىر تۇر. ول بويىنشا «ەكس­پو­-2017» حالىقارالىق كورمەسى اياسىندا ءبىر­­­­­نەشە جوبالاردىڭ قارالاتىنى ءسوزسىز. ءازىر­­­­­گە ەلىمىزدىڭ جەكەلەگەن ايماقتارىندا جەل­­ ستان­سالارى بار. بىراق، قوسىمشا قۋات كو­زىن­­ قا­راس­تىرۋ ارتىقتىق ەتپەيدى. ال «LED So­lu­tion» سەرىكتەستىگى قول قۋسىرىپ وتىرۋدى قۇپ كورمەي، دي­ود­تى شامدى شىعارۋ ءىسىن باستاپ كەتتى. ونداعى ما­مانداردىڭ ايتۋىنشا، بۇل ءونىم قۋات كوزىن ۇنەم­دەيدى ءارى ادام دەنساۋلىعىنا زيانى جوق. كە­رىسىنشە، بۇگىندە كوپشىلىك جەردە قولدانىپ ءجۇر­گەن ليۋمينەستسەنت شامىن پايدالانۋعا بول­ماي­دى ەكەن.

استانادا ۇيلەستىرۋ كەڭەسىندە قارالعان جوبانىڭ ءبىرى – ەلوردا اۋماعى مەن جەكە تۇرعىن ءۇي اۋلالارىن گۇلدەندىرۋ. قازىر وسى اۋماقتا وسىرىلەتىن گۇلدەردىڭ كوبى سالقىنعا شىداس بەرمەيدى ەكەن. ەكىنشىدەن، وسى ىسپەن شۇعىلداناتىن قۇرىلىمنىڭ بارلىق توڭىرەكتى جاسىل جەلەكپەن كومكەرۋگە قاۋقارى جەتپەيدى. بۇل جاعدايلاردى ەسكەرە كەلە، ۇيلەستىرۋ كەڭەسى «استانا فلورا ينتەر» جك يەسىنىڭ جوباسىنا ءبىراۋىزدان كەلىسىم بەردى. ويتكەنى، ونداعى مامانداردىڭ وسىرەتىن گۇلى ءتوزىمدى جانە ۇزاق ءومىر سۇرەدى.

قازاندىق ويلاپ تاپتى

قالامىزدى گازداندىرۋ ءىسى الداعى ۋاقىتتىڭ ەن­شىسىنە قالىپ وتىر. ال جەكە تۇرعىن ءۇي قو­جاي­ىندارى ءوز بەتىنشە جىلۋ قازاندىعىن ور­ناتىپ الەك. كەي جاعدايدا كومىردىڭ تولىق جان­­باۋ­ى­نان ادامداردىڭ ومىرىنە قاۋىپ تونۋدە. وسى­نى مۇ­قيات زەرتتەگەن «سالگارين ا.ك.» جك يە­سى­ كو­مىر تۇگەل جانىپ كەتەتىن سۋ قازاندىعىن وي­لاپ­ تاپ­تى. بۇل جوبا دا جۇرتشىلىقتىڭ قى­زى­عۋ­شى­لىعىن تۋعىزىپ، ونى ازىرلەۋ ءۇشىن بانكتەن قا­را­جات الاتىن بولدى.

وزدەرىڭىز بايقاعاندارىڭىزداي، ساراپتاماعا ۇسىنىلعان جوبالار ءار الۋان. كۇن سايىن بيزنەس جوبا جونىندە كەڭەس الۋ ءۇشىن قالالىق اكىمدىككە وتىزعا تارتا ازاماتتار كەلەدى ەكەن. سوندىقتان، قۇ­زى­رەت­­تى ورگان حالىققا قىزمەت كورسەتۋ ور­تا­لى­عى ىشىنەن تەگىن كەڭەس بەرۋ قىزمەتىن ۇيىم­داس­­تىردى.

كۇن سايىن بيزنەس جوبا جونىندە كە­ڭەس­ الۋ ءۇشىن قالالىق اكىمدىككە وتىز­عا تارتا ازاماتتار كەلەدى ەكەن. سون­دىقتان، قۇ­زى­رەت­­تى ورگان حالىققا قىز­مەت كورسەتۋ ور­تا­لى­عى ىشىنەن تە­گىن كەڭەس بەرۋ قىزمەتىن ۇيىم­داس­­تىردى.

ءامىرحان الماعانبەتوۆ

پىكىر جازۋ

پوچتاڭىز جاريالانبايدى

thirteen + five =